დილით გაღვიძება უმეტესობას გვიჭრის. ალბათ შენც ყოველ დილით სვამ ყავას მხოლოდ იმისთვის, რომ გამოფხიზლდე.

კარგი სიახლე ის არის, რომ დილაობით ენერგიის მოსაკრებად სულაც არ არის საჭირო ბუნებით “ტოროლა” იყო. შენი თვითშეგრძნება და უენერგიობა, მეტწილად, შენივე ქცევით არის განპირობებული.

გაეცანი ამ ცამეტ რჩევას, რომლის დახმარებითაც შენი დილა უფრო ენერგიული, ხალისიანი და ნაკლებად სტრესული გახდება!

საღამოობით:

1. გამოიძინე

ამერიკულმა ძილის ეროვნულმა ფონდმა (ჰო, თურმე ასეთიც არსებობს!) 2011 წლის გამოკითხვების შედეგად დაადგინა, რომ  ადამიანების 63% სამუშაო კვირის განმავლობაში საკმარისად გამოძინებას ვერ ახერხებს. მოზრდილებისთვის რეკომენდირებულია 7–9 საათის ძილი, თუმცა ამ წესში ყველა არ ჯდება. ზოგიერთს მეტი ძილი სჭირდება, ზოგს კი ნაკლები (თუმცა არა ნაკლებ 6 საათისა). შენთვის საჭირო ძილის საათების მაგიური ციფრის გასაგებად შენსავე სხეულს მიენდე. დაწექი მაშინ, როდესაც ძილი მოგერევა და მაღვიძარას გარეშე გაიღვიძე.

2. ჭამე ცოტა

შენს ძილზე შენი ვახშამიც გავლენას ახდენს.  გვიან ღამით ჭამა კუჭს აიძულებს საჭმლის გადამუშავებას შეუდგეს, რაც სხეულის მოდუნებას ართულებს. თუ შებერილობას და მოუნელებლობას აქვს ადგილი, ლოგინში დიდხანს ბორგვა და წრიალიც არ აგცდება. უფრო მეტიც, დიდი პორციების მირთმევა, ზრდის შანსს რომ ღამით ბუნებრივმა მოთხოვნილებებმა გაგაღვიძოს. თუ გვიან ჭამა მოგიწია, შეამცირე პორცია და საკვებიც მსუბუქი შეარჩიე.

3. არ მიიღო ალკოჰოლი

მიუხედავად იმისა, რომ ალკოჰოლი თითქოს გადუნებს, საბოლოოდ ძილს მაინც ხელს უშლის. არა მხოლოდ შარდვის მომატებას განაპირობებს (რაც ნიშნავს, რომ ღამის განმავლობაში ერთხელ მაინც ადგომა), არამედ ბოლო ჭიქის დალევიდან სამი–ოთხი საათის შემდეგ ტვინი გამოფხიზლებას იწყებს. ან, ბოლო ჭიქა ძილამდე მინიმუმ 4 საათით ადრე შესვი.

4. იძინე “გამოქვაბულში”

ექიმები ამბობენ, რომ სინათლეში ძილმა შესაძლოა სხეულის შინაგანი ციკლები დარღვიოს.

დაწოლისას ჩააქრე ყველა ნათურა თუ მაგიდის სანათი, არ დატოვო ჩართული კომპიუტერის ეკრანი, მოიშორე სინათლის ყოველგვარი წყარო, თვით ციფრული საათიც კი (მაგალითად, რამე ნაჭერი გადააფარე).

დილაობით:

1. დალიე წყალი

ძილისას მთელ ღამეს სითხის მიუღებლად ატარებ, რაც ნიშნავს, რომ სხეული დეჰიდრატაციას განიცდის და ამან შესაძლოა დაღლილობის შეგრძნება გამოიწვიოს.

როგორც კი თვალს გაახელ, ერთი ჭიქა წყალი მიიღე. ეს ცირკულაციას განაახლებს და ენერგიას მოგცემს. ჩვეულებრივი სუფთა წყალი შემდეგ ასეთი მატონიზირებელი ნარევი სცადე:

  • 1/8 ჩაის კოვზი წიწაკა
  • 1 სუფრის კოვზი დაფქული ჯანჯაფილი
  • ლიმონის წვენი
  • 1 ჭიქა წყალი
  • სიტკბოსთვის ცოტაოდენი სტევია დაუმატე.

2. აუცილებლად ისაუზმე

ამბობენ, საუზმე ერთადერთი საჭმელია, რომელიც საერთოდ უნდა მიიღოო. ამ დროს ტვინს მთელი დღის სამყოფი გლუკოზა მიეწოდება. საუზმე ასევე სისხლში შაქრის დონეს არეგულირებს. შაქრის დაბალი დონე ენერგეიას გვაკლებს.

რა სახის საკვები უნდა მიირთვა საუზმეზე, ეს უკვე შენს სხეულზეა დამოკიდებული. ზოგიერთი ცილებით მდიდარ მენიუს არჩევს (კვერცხი, ხორცი, რძის პროდუქტები), ზოგი კი ნახშირწყლებით იმატებს ძალას (შვრია). მოსინჯე ყველა და ნახავ, რომელი საუზმე დაგაკმაყოფილებს.

3. მიეფიცხე მზეს ან თავი შეაფარე ბუნებას

ლოგინიდან წამოდგომის შემდეგ ერთ–ერთი პირველი ქმედება გარეთ გასვლა და 15–30 წუთის განმავლობაში ბუნებრივი სინათლის “შეწოვა” უნდა იყოს.

მზის სინათლე მოქმედებს თავის ტვინში მდებარე ეპიფიზზე (გირჩისებრი ჯირკვალი), რის გამოც მელატონინის გამოყოფა მცირდება. მელატონინის დონის დავარდნა გაფხიზლებს.

სამწუხაროდ, ოთახის განათება საკმარისად ძლიერი არ არის მსგავსი შედეგის მისაღებად. თუ დილით გაღვიძებისას გარეთ ცუდი ამინდი ან სიბნელე გხვდება, საუზმობის ან დილის სხვა საქმიანობის დროს ძლიერი ხელოვნური განათება გამოიყენე.

გარდა ამისა, მზის სინათლე D ვიტამინის გამოყოფასაც უწყობს ხელს.

ის ადამიანები, ვინც დღეში მინიმუმ 20 წუთს ატარებენ სუფთა ჰაერზე, ფიზიკურად და მენტალურად  20%–ით უფრო ენერგიულად გრძნობენ თავს, ვიდრე ისინი, ვინც მთელი დღე ოთხ კედელს შორის სხედან. მკვლევარები ვარაუდობენ, რომ ბუნებაში ყოფნა სიცოცხლის უნარიანობას გვმატებს. ამიტომ, თუნდაც 10 წუთით გაისეირნე.

4. იმედიტირე

მიუხედავად იმისა, რომ მედიტაციის დროს თვალები დახუჭული გაქვს და გაუნძრევლად ზიხარ, ტვინი მაინც აქტიურდება. იგი სისხლის მიმოქცევის გაუმჯობესების კარგი საშუალებაა.

15 წუთიანი მედიტაციაც საკმარისია. კარგი იქნება თუ ფანჯრის წინ, მზის შუქთან ახლოს დაჯდები.

მთელი დღის განმავლობაში:

1. ამოძრავდი

ფიზიკური აქტივობა სისხლის მიმოქცევას აუმჯობესებს, რაც მომენტალურად გავსებს ენერგიით. თუმცა არ გეგონოს, რომ კილომეტრების გარბენაა საჭირო. ცოტაოდენი აქტიურობაც კი ჩაგეთვლება, როგორიცაა მებაღეობა, ძაღლის გასეირნება ან იოგა. თუ გარეთ გახვალ, ზემოთ ნახსენებ სასარგებლო მზის შუქსაც იხილავ და ბუნების წიაღითაც დატკბები.

2. შეამცირე კოფეინის და ენერგეტიკული სასმელის დოზები

მიუხედავად იმისა, რომ ფინჯანი ყავა დილით პირველი რამაა რაც გაფხიზლებს, ხოლო ჩაი შუადღის მოდუნებისგან გიხსნის, შესაძლოა კოფეინის სიყვარულმა არც ისე კარგი გავლენა მოახდინოს შენს ჯანსაღ ბიორიტმებზე.

კოფეინი ადრენალინის გამომუშავების ბუნებრივი სტიმულატორია. დღის განმავლობაში 200–300 მილიგრამზე ან 2–3 ფინჯან ყავაზე მეტს ნუ მიიღებ. დასაძინებლად დაწოლამდე 6 საათის განმავლობაში საერთოდ არ მიიღო არანაირი კოფეინის შემცველი პროდუქტი.

ენერგეტიკული სასმელების უმეტესობა კი იმდენად ბევრ სტიმულატორს შეიცას, რომ შესაძლოა სისხლში შაქრის შემცველობის დაწევა და შესაბამისად დაღლილობის/ძილიანობის შეგრძნება გამოიწვიოს. ხანგრძლივად და ზედმეტად სტიმულირებული ნერვული სისტემა დროთა განმავლობაში თირკმელზედა ჯირკვლის “გადაწვას” გამოიწვევს. თუ ეს მოხდება, დღე–ღამის განმავლობაში დაღლილობის შეგრძნება დაგტანჯავს.

სტიმულატორები ერთი ფინჯანი ყავით ან უფრო უკეთესი, მწვანე ჩაით ჩაანაცვლე, რომელიც ნაკლებ კოფეინს და მეტ ანტიოქსიდანტებს შეიცავს.

3. დაიცავი ძილის რეგულარული განრიგი

უფროსებსაც ისეთივე ძილის განრიგი ესაჭიროებათ, როგორც ახალ დაბადებულ ბავშვებს. არეული რეჟიმმა შესაძლოა ბიორიტმი დაგირღვიოს, რაც ძილის ხარისხს გაგიფუჭებს.

სცადე ყოველ დღე ერთსა და იმავე დროს დაიძინო და გაიღვიძო, 30–60 წუთის გადაცილებას არა უშავს. ამით სხეულს მიაჩვევ, რომ დილაობით ერთი და იგივე დროს გამოფხიზლდეს და ენერგიაზე მოვიდეს.