დიდი შემოსასვლელი არაჩვეულებრივად გამოიყურებოდა. უპირველეს ყოვლისა, არასად ჩანდა ელ-გაყვანილობა და ჭაღები, მხოლოდ სანთლები. ცოტა არანორმალურია, არა? ავეჯიც უცნაური. ლამაზია, თუმცა, ოდნავ გაუგებარი.

ვიღაც კიბეებზე ჩამოდიოდა. ქეთიმ თვალები მოჭუტა და შეეცადა დაენახა. ახლომხედველი იყო, მაგრამ სათვალეს არ ატარებდა – თვლიდა, რომ არ უხდებოდა და ბიბლიოთეკარს ემსგავსებოდა, კონტაქტურ ლინზებს კი ვერაფრით შეეგუა. შესაბამისად, სიბნელეში ხედვა მისთვის “შეუსრულებელი მისია” გახლდათ.