ორგაზმის იმიტაცია და მასტურბაცია 

ორგაზმი ყველაზე აღმატებული სიამოვნებაა, რომელსაც ადამიანი სექსის დროს განიცდის.

ქალის ორგაზმი სხვადასხვანაირად შეიძლება იყოს გამოხატული – ეს არის ძალიან მკვეთრი შეგრძნებების კასკადი, თუმცა შესაძლოა მსუბუქი მღელვარების მსგავსიც იყოს ზოგჯერ.

როგორ განისაზღვრება ორგაზმი ქალებში?

ორგაზმი – ეს არის განსხვავებული ფიზიკური მდგომარეობა და ის არ ჰგავს ძლიერ აღგზნებას (გამოხატულებით). სიამოვნების პიკის დადგომა შეიძლება განისაზღვროს კონკრეტული ქლის ქცევის ცვლილებით და არა ზოგადად მიღებული მახასიათებლების მორგებით.

მიახლოებითი მახასიათებლები ორგაზმისას:

• გახშირებული სუნთქვა (ან მისი მცირე ხნიანი შეკავება)
• სპაზმური მოძრაობები (ან პირიქით მყისიერი გაქვავება)
• ვაგინის კუნთების შეკუმშვა (ეს ძალიან ადვილი შესამჩნევია თითის დახმარებით, თუმცა პენისის მგრძნობელობასაც გააჩნია, ზოგჯერ მამაკაცები ახერხებენ ამის დაფიქსირებას აქტისას)
• სხვადასხვა ხმოვანი/ხმაურიანი რეპლიკები თუ წამოყვირებები (ან კრიჭის სპაზმური შეკვრა და სხვადასხვა ორბიექტებისა თუ სხეულის დაკბენა)

მასტურბაციის აუცილებლობა ორგაზმისთვის

ყველაზე რთული ორგაზმთან მიმართებაში გახლავთ ის, რომ ქალებმა არ იციან, როგორ მიიღონ სიამოვნება და განიცადონ ორგაზმი.

შესაძლოა პარტნიორი ნამდვილი პროფესიონალი იყოს სექსუალურ საკითხებში, მაგრამ ქალისათვის სიამოვნების მინიჭება მაინც ვერ შეძლოს – ეს მისი ბრალი არ იქნება.

ხშირად ქალები აქტის დროს ძალიან შეუსაბამო რაღაცეებზე ფიქრობენ (მაგალითად როგორ გამოიყურებიან, ან რა უნდა მოიმოქმედონ ამა თუ იმ დროის მონაკვეთში)  და ხელიდან უშვებენ იმ მომენტს, როდესაც ყური უნდა დაუგდონ საკუთარ შეგრძნებებსა და სხეულის მიერ ტვინისთვის გაგზავნილ იმპულსებს.

დღესდღეობით სექსოლოგების დიდი ნაწილი თვლის, რომ ქალებს რომლებსაც უნდათ სრულფასოვანი სქესობრივი ცხოვრება ჰქონდეთ და სრულად მიიღონ ამისაგან სიამოვნება – უნდა დაიწყონ ”თვით შესწავლის” განხორციელება.

ძალიან სამწუხაროდ ფაქტია – ამ საუკუნეშიც კი ბევრი ქალია, რომელსაც რცხვენია იმის აღიარება, რომ მასტურბირებს – არადა ეს ერთადერთი გზაა იმის გასარკვევად, თუ რა გვსიამოვნებს კონკრეტულ მომენტში და საუკეთესო საშუალებაა საკუთარი სხეულის გასაცნობად.

მხოლოდ მას შემდეგ, რაც თითოეული ქალს ეცოდინება რა მოსწონს და როგორ აღწევს ორგაზმს, შეძლებს უთხრას და გააგებინოს პარტნიორს მისთვის სასურველი რიტმი, ტემპი და ყველა სხვა ასპექტი, რომელიც მას ორგაზმის მიღწევაში დაეხმარება.

გამომდინარე ქალების კომპლექსებიდან უამრავი არასწორი ინფორმაცია არსებობს, რომელიც დღემდე ვრცელდება სხვადასხვა წრეებში და არავის უჩნდება სურვილი ჰკითხოს ამის შესახებ ექიმს ან სექსოლოგს.

ასეთი არასწორი ინფორმაციის რამდენიმე მაგალითი არსებობს:

• ხანგრძლივი აქტი ქალის ორგაზმის უტყუარი საშუალებაა
  დაივიწყეთ! ეს ასე სულაც არაა.  სხვადასხვა შემთხვევაში აბსოლუტურად განსხვავებული დროა საჭირო ქალის ორგაზმისათვის, მაგრამ ესეც იმ შემთხვევაში თუ ქალი ვაგინალურ ორგაზმს განიცდის (ანუ ნაცნობია მისი ქვეტიპი)სხვა შემთხვევაში ხანგრძლივ ფრიქციასთან (შეღწევასთან) ერთად აუცილებელია დამატებით კლიტორის სტიმულირებაც.
• თუ პარტნიორთან არ გაქვს ერთდროული ორგაზმი, ესე იგი თქვენ ვერ ეწყობით ერთმანეთს
  ესეც დიდი სისულელეა! ამისათვის ძალიან გრძელვადიანი და გახსნილი ურთიერთობაა საჭირო , თუმცა ესეც არაა საკმარისი. პარტნიორებისათვის ერთმანეთის შესწავლა წლების მანძილზეც კი შეიძლება ხდებოდეს, თანაც ცალ–ცალკე მიღწეული ორგაზმი გაძლევთ საშუალებას დატკბეთ არა მხოლოდ თქვენს მიერ მიღებული სიამოვნებით, არამედ პარტნიორისგან წამოსული ემოციებითაც.
• ვაგინალური ორგაზმის მიღწევა შესწავლადია 
  არა, ამის სწავლა ისე, როგორც ვსწავლობთ, მაგალითად, ველოსიპედის მართვას – შეუძლებელია. არსებობს კონკრეტული ვარჯიშები და სხვადასხვა სახის სტიმულაცია, მაგრამ გარანტირებული შედეგის მისაღები დავალება/სავარჯიშოები არ არსებობს.

ეს და არა მხოლოდ ეს მითებიც საკმარისია იმისათვის, რომ მეტ ნაკლებად გასაგები გახდეს, თუ რატომ ცდილობენ ქალები ორგაზმის იმიტაციას. ძალიან ხშირად ფსიქოლოგიური წნეხის გამო ქალები ცდილობენ პარტნიორებს არ აწყენინონ და იტყუებიან იმის შესახებ, რომ აქტისაგან მიიღეს სიამოვნება, თუმცა მოდით ცოტა უფრო კონკრეტული მიზეზები ჩამოვწეროთ ამ ვითომ და უწყინარი ტყუილისა:

1.  ქალს სურს, რომ დაანახოს პარტნიორს, რომ ის სექსუალურად სრულფასოვანია (ეს ისშემთხვევაა, როდესაც ქალი თვლის, რომ ის ცივია და ნეიტრალურადაა განწყობილი სექსის მიმართ)
2. ქალს სურს, რომ აგრძნობინოს პარტნიორის, რომ ის საუკეთესოა და ნამდვილი მამაკაცია (ეს ხდება მაშინ, როდესაც ქალს ეშინია კაცის დაკარგვის და ფიქრობს, რომ სიმართლის თქმა ურთიერთობას დაანგრევს)
3. ქალს ეშინია გულცივობასა და ფეხზემკიდიაობაში დადანაშაულების, ამიტომ ცდილობს თავიდან აიცილოს სიმართლის შემდგომი აგრესია კაცის მხრიდან – ამ ”უწყინარი” ტყუილით
4. ქალი ცდილობს თვითგვემა ააცილოს კაცს თავიდან, თუ იცის, რომ იგი ზედმეტად მზრუნველი და ინტროვერტია.

სინამდვილეში მნიშვნელოვანი ის კი არაა, განიცდიან თუ არა პარტნიორები ერთდროულ ორგაზმს, არამედ ის, რომ ისინი ცდილობენ სიამოვნება მიანიჭონ ერთმანეთს და ამისათვის ყველაფერს აკეთებენ.

ეცით პატივი სხვის გრძნობებსა და შეგრძნებებს, ამასთანავე არ დაივიწყოთ მთავარია სექსი უსაფრთხო იყოს!