იდეალური სამყარო რომ არსებობდეს, ალბათ ყველა რეგულარულად ივარჯიშებდა და სწორ და ჯანმრთელ საკვებს მიირთმევდა. 

თუმცა, ეს დღევანდელ დაძაბულ და საქმიან სამყაროში თითქმის შეუძლებელია.

საინტერესოა, გავარკვიოთ, წონაში კლებისთვის და სხვადასხვა დაავადებებთან საბრძოლველად რა უფრო მნიშვნელოვანია – სწორი კვება თუ ვარჯიში?

თუ შენი მიზანია წონაში დაკლება:

კვების რეჟიმის დაცვა მოგიწევს!

მრავალმა გამოკვლევამ აჩვენა, რომ გზა გახდომისკენ კალორიების შემცირებაზე გადის. ბევრად უფრო ადვილია 500 კალორია მოაკლო შენს დღიურ რაციონს, ვიდრე რამდენიმე საათი ფიტნეს ცენტრში ივარჯიშო და 500 კალორია დაწვა.

ასევე, ვარჯიშიც და კვებაც აუცილებელია არა მხოლოდ წონაში დასაკლებად, არამედ მის შესანარჩუნებლად.

თუ შენი მიზანია უფრო ენერგიული იყო:

უნდა ივარჯიშო!

ვარჯიშს კუნთები ტონუსში მოჰყავს, სიმხნევე და ამტანობა იმატებს, კუნთები ვითარდება და ამას საბოოლოდ მივყავართ სასურველ შედეგამდე – ვართ უფრო ენერგიულები და აქტიურები.

თუ შენი მიზანია გულის დაავადებების რისკის შემცირება:

მაშინ კვებას უნდა მიაქციო ყურადღება!

ჯანსაღად კვება ნიშნავს იკვებო მრავალფეროვნად, მიიღო ყველა საჭირო ნივთიერება, ვიტამინი და ა.შ.

მაგრამ, თუ ერთ რომელიმე საკვებზე გინდა შეაჩერო შენი არჩევანი, რომელიც გულის დაავადებების რისკს შეამცირებს, ეს ნამდვილად ომეგა 3-ის  შემცველი ცხიმები უნდა იყოს, რომელსაც თევზეული უხვად შეიცავს. ასე რომ, კვირაში ორჯერ თევზი მიირთვი და გულის პრობლემები არ შეგაწუხებს.

Photo by Micheile Henderson on Unsplash

თუ შენი მიზანია დიაბეტის თავიდან აცილება (პრევენცია):

ისევ ვარჯიშია საჭირო.

ჯანსაღი წონა და ვარჯიში დიაბეტის საპრევენციო ზომებია. თუმცა ვარჯიშს ის უპირატესობა აქვს, რომ აქტიური კუნთები საწვავის სახით იღებენ გლუკოზას სისხლიდან და ეს სისხლში შაქრის სტაბილური დონის შენარჩუნებაში გეხმარება.

თუ შენი მიზანია სიმსივნის თავიდან აცილება:

მაშინ როგორც ვარჯიში, ისე ჯანსაღი კვება აუცილებელია!

ალბათ ნათელია, რომ მცენარეული საკვები და ვარჯიში ოქროს სტანტარტად რჩება ზოგადად ჯანმრთელობის შენარჩუნებისთვის. თუმცა, არსებობს მოსაზრება, რომ რაც მეტს ვარჯიშობ, მით უფრო დაცული ხარ სიმსივნისგან.

Photo by bruce mars on Unsplash

თუ შენი მიზანია განწყობის გაუმჯობესება:

კვლავ ვარჯიში დაგეხმარება!

20 წუთიანი აქტიური დატვირთვა საკმარისია იმისთვის, რომ 12 საათი კარგ განწყობაზე იყო. ასევე ვარჯიში დეპრესიის დაძლევის ერთ ერთი კარგი საშუალებაა.

ფიზიკური აქტივობა ისეთ ცვლილებებს ახდენს ტვინში, რომლებიც აძლიერებენ შენს უნარს, უკეთ გაუმკლავდე სტრესულ სიტუაციებს.

ერთი სიტყვით ნამდვილად არ წააგებთ, თუ ცოტას ივარჯიშებთ და კვებასაც მიაქცევთ ყურადღებას.

თუ შენ რამე სხვაც იცი, გაგვიზიარე კომენტარებში ან Pink Club-ში, საინტერესო იქნება.