კუნილინგუსი – ორალური სექსის ნაირსახეობა, ქალის სექსუალური აღგზნება კლიტორზე და ვულვაზე ტუჩების ან ენის ზემოქმედების საშუალებით. კუნილინგუსს შესაძლებელია თან სდევდეს საშოში თითების, ან ეროტიული სათამაშოების შეყვანა, რაც ამავდროულად G წერტილის სტიმულირების საშუალებას იძლევა.

ამ საკითხთან მიმართებაში მამაკაცებს განსხვავებული მოსაზრებები გააჩნიათ: მათი ერთი ნაწილი კუნილინგუსის, როგორც სექსუალური ურთიერთობის შემადგენელი ნაწილის გამოყენებას ერიდება, მეორე ნაწილი კი თანახმაა ექსპერიმენტებზე საყვარელი ქალისთვის სიამოვნების მისანიჭებლად. თუმცა, თუ შევძლებთ მამაკაცი ამ “მსხვერპლზე” დავითანხმოთ, იმისთვისაც მზად უნდა ვიყოთ, რომ დავეხმაროთ საკუთარი უნარების გაუმჯობესებაში.

როგორც ტრადიციული, ასევე ორალური სექსის დროსაც მნიშვნელოვანია პარტნიორთან ღია კომუნიკაცია, კერძოდ, თამამად უთხარით, რა მოგწონთ და რა არ გსიამოვნებთ. მამაკაცების უმრავლესობას მოსწონს, როცა პარტნიორი მათთან გახსნილია. ორალური სექსის დროს უკარნახეთ მოძრაობის რიტმი და მიმართულება, ან თვითონ მოახდინეთ დემონსტრირება იმის, რაც მოგწონთ.

მოაწყვეთ სექსუალური თამაშები: ასიამოვნეთ და შემდეგ სთხოვეთ თქვენთვისაც იგივე გააკეთოს. არ დაგავიწყდეთ, შეაქოთ!

ახლა რაც შეეხება თვითონ პროცესს:

მამაკაცებო!

სანამ “საქმეზე გადახვალთ”, შეეხეთ პარტნიორის თეძოების შიდა მხარეს და მასაჟური მოძრაობებით იმოძრავეთ სიღრმისკენ. კარგი იქნება, თუ რამდენიმე წუთის განმავლობაში მის გენიტალიებს არ შეეხებით.

ფრთხილი მოძრაობა ქალის ვაგინალური ხვრელის, საშოს ბაგეების ან კლიტორის ირგვლივ, შესავლის იდეალური გაგრძელებაა. მნიშვნელოვანია, არ აჩქარდეთ და არ იყოთ აგრესიული. ასევე, გაითვალისწინეთ, რომ მამაკაცისგან განსხვავებით, ქალს აღგზნებისთვის მეტი დრო სჭირდება. ეს საქმეც რამდენიმე წუთში ვერ მოგვარდება. ეცადეთ, მაქსიმალურად გადადოთ კლიტორთან პირდაპირი კონტაქტი, რადგან ქალების უმრავლესობისთვის ეს შეხება არც ისე სასიამოვნოა, სანამ სრულად აღიგზნება.

იცოდით, რომ ენა სხეულის უძლიერესი კუნთია? წარმოიდგინეთ რისი გაკეთება შეგიძლიათ ენით. წარმოიდგინეთ? ახლა გავაგრძელოთ. ენის მოძრაობების კონტროლი პენისთან შედარებით ბევრად უფრო ადვილია, ამასთან, ენა ბუნებრივი ლუბრიკანტით მარაგდება ნერწყვის სახით. კარგი იქნება, თუ დროდადრო ენას გაამკვრივებთ და კლიტორის ირგვლივ წრიულ მოძრაობებს გააკეთებთ.

სთხოვეთ თქვენს პარტნიორს განიშნოთ, როცა საკმარისად აღგზნებულია და გადადით კლიტორზე. დაიწყეთ ნელი მოძრაობებით და თანდათან ტემპი გაზარდეთ. გახსოვდეთ, კლიტორთან ურთიერთობისას აკრძალული გაქვთ კბილების გამოყენება, ეს ის შეცდომაა, რომელიც უბრალოდ არ უნდა დაუშვათ.

გამოიყენეთ ხელებიც: სასურველია, პოზიცია საშუალებას გაძლევდეთ მისწვდეთ პარტნიორის სხეულის ეროგენულ ზონებს, ან თითებით მისი G წერტილი მოძებნოთ. ასევე, შესაძლებელია პენისის და ენის მონაცვლეობით გამოყენებაც. ვინ თქვა, რომ კაცები ერთდროულად ორ საქმეს ვერ აკეთებენ?!

ორგაზმის შემდეგ, კლიტორი განსაკუთრებულად მგრძნობიარე ხდება, ამიტომ შეანელეთ რიტმი და შეარბილეთ ენის მოძრაობა.

“ტემპერატურის” მაქსიმალურად გასაზრდელად შეგიძლიათ უფრო ორიგინალურ ზომებსაც მიმართოთ, მაგალითად:

• სწრაფი შესუნთქვით მოაქციეთ კლიტორი მთლიანად პირის ღრუში და მაშინვე გაუშვით, ეს მოძრაობა გაიმეორეთ რამდენჯერმე;
• ენით კლიტორზე მოქმედების დროს მის ირგვლივ  თითები  იმავე რიტმში  ამოძრავეთ;
• გამოიყენეთ ტკბილეული და ხილი პროცესის გამრავალფეროვნებისთვის;
• გამოიყენეთ აგრესიული მოძრაობები, თუ თქვენს პარტნიორს ეს მოსწონს, თუმცა არა კლიტორთან ურთიერთობისას;

სხვადასხვა ინფექციური ან ვენერიული დაავადებები კუნილინგუსითაც გადაიცემა. თავის დასაცავად რეკომენდირებულია გამოკვლევების ჩატარება ან ლატექსის ხელსახოცების გამოყენება.

მიგიღიათ თუ არა მამაკაცისგან ორალური სიამოვნება?

View Results

Loading ... Loading ...