ამ თემაზე ქართულად საკმაოდ მწირი ინფორმაციაა, პრობლემა კი არცთუ იშვიათია. დაგვეთანხმები, რომ ძალიან ცუდად ჩანს ამობურცული ადგილები, მუქი ლაქები ფეხებზე ან და თმა – კანქვეშ. თუ გაწუხებს თმის ჩაბრუნება, მაშინ ეს სტატია საინტერესო იქნება შენთვის.

პილინგი

pilling

დღეში ორჯერ პილინგით კარგად დაიმუშავე ის ადგილი, სადაც ხშირად ხდება თმის ჩაბრუნება. ამით მოიცილებ მკვდარ უჯრედებს, ჭუჭყს და ცხიმს, რომელიც თმის ჩაბრუნების ძირითადი მიზეზია. პილინგისთვის შეგიძლია გამოიყენო სპეციალური ხელთათმანი, ან დაამზადო სკრაბი (გამოიყენე მარილი, ან ზეითუნის ზეთი და შაქარი).
იყავი ფრთხილი. შენი მიზანია მოიშორო მკვდარი უჯრედები და არა სისხლი იდინო, ასე რომ სჯობს კანი დაიმუშაო დიდხანს და ნაზად, მოერიდე სწრაფ და უხეშ მოძრაობებს. იმ შემთხვევაში, თუ პილინგი არ გაამართლებს, შეგიძლია, გამოიყენო სხვა მეთოდი, უკეთეს შემთხვევაში კონსულტაცია გაიარო ექიმთან.

აკნეს მკურნალობის მეთოდი.

salicylic
ჩაბრუნებული თმა ძალიან ჰგავს აკნეს სტრუქტურას. გამოიყენე ბენზოილის პეროქსიდი ან სალიცილის სპირტი რამდენიმეჯერ დღეში. პილინგთან ერთად სალიცილის სპირტით კანის გასუფთავება საკმარისია ჩაბრუნებული თმის მოსაცილებლად. თუ ხელთ არ გაქვს სალიცილის სპირტი ან ბენზოილის პეროქსიდი, შეგიძლია გამოიყენო კბილის პასტა.

კომპრესები

compress
დაიდე თბილი მკვებავი კომპრესი რამდენიმე წუთით. ეს დაარბილებს კანს.

• დაასველე ღრუბელი ცხელ წყალში, გაწურე და დაიდე იქ, სადაც თმა ხშირად გიბრუნდება. როგორც კი შეგრილდება, კვლავ დაასველე ცხელ წყალში.

• თუ კანქვეშ თმის ღერს ხედავ, კომპრესი დაეხმარება თმას კანის ზედაპირზე ამოვიდეს, ხოლო თუ თმა არ ჩანს, გაიჩერე თბილი კომპრესი მანამ, სანამ ის არ გამოჩნდება.

• თუ კომპრესის გაკეთებიდან 10 წუთის შემდეგ თმა არ ჩანს, ე.ი. დამოუკიდებლად მას ვერ მოიცილებ და დროა ექიმ-დერმატოლოგს მიმართო. სასურველია, გაესინჯო კანის კიბოზე.

პინცეტი, ნემსი…

nidle
გამოიყენე სტერილური ნემსი ან პინცეტი, რათა ჩაბრუნებულ თმას კანის თხელი ფენა მოაცილო. პირველ რიგში დაიდე თბილი კომპრესი – ეს დაეხმარება თმას ზედაპირზე ამოსვლაში. ნუ ამოჩიჩქნი და თუ შესაძლებელია, ნუ მოწყვეტ თმას, უბრალოდ დარწმუნდი, რომ თმის ბოლო კანს ზემოთაა.

მუდმივად გაისუფთავე კანი ჩაბრუნებული თმისგან

clear
დაიბანე პრობლემური ადგილი თბილი წყლით და დამატენიანებელი საპნით. გამოიყენე ანტისეპტიკური საპონი,რათა დაიცვა თავი ინფექციისგან. მოერიდე მჭიდრო ტანსაცმელს და მუდმივად გამოიყენე პილინგი.

დამატებითი რჩევები

tips
• თუ თმა არ ჩანს საწყის ეტაპზე, დაიტოვე თბილი კომპრესი ცოტა დიდხანს
• ყოველთვის გამოიყენე ახალი საპარსი დანა, როცა საქმე მგრძნობიარე ადგილს ეხება (მაგ. ბიკინის ზონა)
• თუ პარსვის შემდეგ კანი გიწითლდება და გაყრის, გამოიყენე დამატენიანებელი კრემი, ეს გააქრობს სიწითლეს. ამ ფუნქციას ვაზელინიც მშვენივრად ითავსებს.
• რაც უფრო გრძელია თმა, მით ნაკლებია ჩაბრუნების შანსი, ასე რომ სცადე ცოტა უფრო იშვიათად გაიპარსო. უმჯობესია, გამოიყენო ერთპირიანი ან ელექტრო საპარსი, მრავალპირიანი საპარსის ნაცვლად.
• არასოდეს გაიპარსო „მშრალად“ და მითუმეტეს მშრალ ადგილზე საპნის წასმით.
• შეინარჩუნე სისუფთავე. ყოველდღიური ჰიგიენური პროცედურები აგარიდებს მსგავს პრობლემებს.
• ყოველთვის გაასუფთავე საპარსი გამოყენებამდე. ხარისხიანი საპარსი კრემის გამოყენებამ შესაძლოა დაიცვას შენი თმა ჩაბრუნებისგან.
• ეცადე არ გაიპარსო, სანამ ამის აუცილებლობა არაა. ყოველდღიური პარსვისას თმა უფრო ხშირად იზრდება, თუმცა ზოგიერთი ღერი ვერ ასწრებს გაზრდას, სწორედ ამიტომ ხდება თმის ჩაბრუნება.