იმისთვის, რომ თეთრი კბილები გქონდეს, სულაც არ არის აუცილებელი ძვირადღირებული პროცედურები. თუ გინდა დაზოგო თანხა და ამავე დროს თვალისმომჭრელად თეთრი კბილები გქონდეს, ჩვენ გასწავლით როგორ მიაღწიოთ ამას ბუნებრივი და იაფი გზით.

1. სოდა

Baking Soda

სოდის ჯადოსნურობაზე ჩვენ უკვე ვისაუბრეთ. ამასთან ერთად, სოდა ძალიან კარგი საშუალებაა კბილების გასათეთრებლად. ცოტაოდენ კბილის პასტას დაამატე სოდა, მოათავსე ჯაგრისზე და გაიწმინდე კბილები. თუმცა ამ ხერხს ყოველდღე ნუ მიმართავ, სასურველია მაქსიმუმ კვირაში 3-ჯერ გამოიყენო.

2. მარწყვი

Strawberries

ეს ნამდვილად ყველაზე სასიამოვნო გზაა კბილების გასათეთრებლად. მარწყვის წვრილი თესლი ასუფთავებს კბილებს. საუკეთესო შედეგისთვის მიირთვი ½ ჭიქა მარწყვი ყოველ დღე. თანაც მარწყვი დაბალკალორიულია. ;)

3. ყავა და გაზიანი სასმელები

Coffee

თუ გინდა მომხიბვლელი ღიმილი გქონდეს, მოერიდე ყავას და გაზიან სასმელებს (კოკა-კოლა, პეპსი და ა.შ.). ამ უკანასკნელში შაქარი მაღალი კონცეტრაციითაა, რაც საოცრად აუფერულებს კბილებს. იგივე ეხება შავ ჩაის. თუ შენი რაციონიდან მათი ამოღება გიჭირს, ეცადე შეამცირო რაოდენობა და მიირთვა ისე, რომ კბილებთან კონტაქტი ნაკლებად იყოს (მაგ. საწრუპით).

4. გაიხეხე კბილები ყოველი ჭამის შემდეგ

ცოტა ძნელია ახალი ჩვევის ჩამოყალიბება, მაგრამ თეთრი და ჯანმრთელი კბილებისთვის ეს ნამდვილად ღირს. სიმარტივისთვის იყიდე სამგზავრო კბილის ჯაგრისი და პასტა. დაიწყე ახლავე.

5. ნატურალური კბილის პასტა მათეთრებლით

კბილის პასტების უმეტესობა ბევრ ქიმიურ ნივთიერებას შეიცავს, რაც სულაც არ არის კარგი. შეიძინე მათეთრებელი პასტა, რომელიც ნატურალურ ინგრედიენტებს შეიცავს. ჩვენ გირჩევთ Tom’s of Maine-ს და Jason’s PowerSmile Whitening კბილის პასტებს.

6. სპეციალური ძაფი კბილებისთვის (Floss)

შეიძინე სპეციალური ძაფი და მუდმივად ატარე თან. მისი საშუალებით კბილების წმენდა ჩვევად უნდა გექცეს. შეგიძლია სხვა საქმეს შეუთავსო, მაგალითად, წიგნის კითხვას :)

7. ლიმონი

ლიმონი საუკეთესო საშუალებაა კბილების გასათეთრებლად. ის შეიცავს ასკორბინის მჟავას და ვიტამინ C-ს, რომელიც ძალიან კარგი მათეთრებელი საშუალებაა. არ არის აუცილებელი (და არც სასურველი) ლიმნით გაიწმინდო კბილები, უბრალოდ შეიტანე შენს რაციონში. რამდენიმე წვეთი წყალში ან ჩაიში. ლიმონი გემრიელი, სასარგებლო და თანაც იაფია.

თეთრი კბილები ჯანმრთელობის პირველი ნიშანია, ჯანმრთელი ღიმილი საოცრად მიმზიდველია. ასე რომ, დაიწყე მათი გათეთრება ახლავე.