თმის მოცილების მეთოდები ორ ჯგუფად იყოფა:

  • დეპილაცია – თმის ზედაპირული მოცილება
  • ეპილაცია – თმის ძირიანად ამოღება

ქვემოთ განხილულია ორივე ჯგუფში შემავალი თმის მოცილების სახეები, მათი პლიუსები და მინუსები.

[poll id=”33″]

ხელის საპარსი (“სამართებელი”)

images

თმა კანის ზედაპირიდან შორდება. არსებობს საპარსები ორმაგი, სამმაგი, ოთხმაგი და ხუთმაგი პირით. ზოგიერთს დამარბილებელი და დამატენიანებელი ზოლებიც დაჰყვება.

პლიუსები: ადვილი მოსახმარია, საპარსები იაფია, უმტკივნეულოა (თუ არ გაგეჭრებათ).

მინუსები: შესაძლოა გააღიზიანოს ან გაგიჭრათ კანი, ტოვებს თმის ამოწვერილ უხეშ ძირებს;

შედეგი: გასტანს მინიმუმ 1 დღიდან, მაქსიმუმ 1 კვირამდე.

ღირებულება: 1-დან 20 ლარამდე (მრავალჯერადად გამოყენებადი საპარსის შეძენის შემთხვევაში).

ელექტრო საპარსი

თმა კანის ზედაპირიდან შორდება.

პლიუსები: ადვილი მოსახმარია, უმტკივნეულოა.

მინუსები: შესაძლოა გამოიწვიოს კანის გაღიზიანება, ტოვებს თმის ამოწვერილ უხეშ ძირებს, შესაძლოა ზოგიერთი ღერი გამოტოვოს, სჭირდება დანების ხშირი ცვლა.

შედეგი: გასტანს 1 დღიდან 1 კვირამდე.

ღირებულება: 30-300 ლარამდე

დეპილატორი კრემები

მასში შემავალი ქიმიური ელემენტები, ლოსიონი ან გელი შლის და აუძლურებს თმის ღერს ისე, რომ მისი ხელით მოცილება ხდება შესაძლებელი.

პლიუსები: ადვილი მოსახმარია;

მინუსები: კანის გაღიზიანება, ალერგიული და ქიმიური რეაქციები შესაძლებელია დიდხანს დარჩეს;

შედეგი: გასტანს დაახლოებით 1 კვირა;

ღირებულება: 5-15 ლარამდე

მექანიკური ეპილატორი

აძრობს თმას ძირიდან.

პლიუსები: ადვილი გამოსაყენებელია, თმის ღერს არბილებს;

მინუსები: თავიდან საკმაოდ მტკივნეულია, ზოგ ღერს ტოვებს, შესაძლოა გამოიწვიოს თმის ჩაბრუნება;

შედეგი: გასტანს 3-4 კვირა

ღირებულება: 30-200 ლარამდე

პინცეტით ამოპუტვა

თითოეული თმის ღერი იპუტება ფესვიდან.

პლიუსები: იაფია, დიდ ხანს ძლებს;

მინუსები: ბევრ დროს მოითხოვს, რადგან ყველა ღერი სათითაოდ უნდა ამოიპუტოს. მტკივნეულია. შესაძლოა გამოიწვიოს კანის გაღიზიანება და გაწითლება.

შედეგი: 3-დან 6 კვირამდე.

ღირებულება: პინცეტი შეიძლება შეიძინოთ 3 ლარიდან ზემოთ.

ცვილი

კანის გარკვეულ მონაკვეთებზე ამოაქვს თმა ფესვიდან.

პლიუსები: შეგიძლია თავად გაიკეთო;

მინუსები: შეიძლება გამოიწვიოს კანის გაღიზიანება, დაზიანება. მტკივნეულია.

შედეგი: გასტანს 6-დან 8 კვირამდე

ღირებულება: სახლში გაკეთება დაგიჯდებათ 10-დან 20 ლარამდე.

ელექტრო ნემსი

ნემსი ჩადის კანის ქვეშ, ელექტრო იმპულსი გადაეცემა თმის ფოლეკულს და აზიანებს მას.

პლიუსები: დიდ ხანს ძლებს

მინუსები: სჭირდება დიდი დრო, რადგან თითოეული თმა უნდა ამოიღო ინდივიდუალურად. ძალიან მტკივნეულია. იწვევს კანის გაღიზიანებას და ანთებით პროცესებს.

შედეგი: დიდ ხანს ძლებს მაგრამ ზოგიერთი თმის ღერი შეიძლება ისევ ამოვიდეს.

ღირებულება: პროფესიონალის მომსახურება დაგიჯდებათ 100+ ლარიდან.

ლაზერი

ლაზერის სხივი აზიანებს თმის ფოლიკულს და აჩერებს მის ხელახლა ამოზრდას. აღიარებულია აშშ-ს ჯანდაცვის დეპარტამენტის მიერ.

პლიუსები: ნაკლებ მტკივნეულია, ვიდრე ეპილაციის ყველა დანარჩენი სახე, შესაძლებელია გაკეთდეს ისეთ მგრძნობიარე არეებზე როგორიცაა სახე, იღლიები, ბიკინის ზოლი. ყველაზე ეფექტურია ღია კანის და მუქი თმის მქონე პაციენტებზე.

მინუსები: ძვირია, რადგან მხოლოდ ლიცენზიის მქონე პროფესიონალ ექიმს შეუძლია პროცედურის ჩატარება, დეპილაციასთან შედარებით ოდნავ მტკივნეულია, შეიძლება გამოიწვიოს სიწითლე, შეშუპება ან კანის გამუქება.

შედეგი: სამუდამო შემცირება, თუმცა ზოგიერთი თმის ღერი შესაძლოა ისევ ამოიზარდოს.

ღირებულება: თმის სრულად გასაქრობად რამდენიმე პროცედურაა საჭირო, შესაბამისად ხარჯები შეიძლება 500 ლარს აცდეს.

ფოტოეპილაცია

ფოტოეპილაცის სხივი აზიანებს თმის ფოლიკულს და აჩერებს მის ხელახალ ამოზრდას. ფოტოეპილაცია აღიარებულია აშშ-ს ჯანდაცვის დეპარტამენტის მიერ.
შესაძლოა გაკეთდეს იღლიებზე, ბიკინის ზოლზე. ყველაზე ეფექტურია ღია კანის + მუქი თმის მქონე პაციენტებზე.

პლიუსები: ნაკლებ მტკივნეულია ვიდრე ელექტრო ნემსი, მინიმალური გვერდითი მოვლენები აქვს ვიდრე ლაზერს;

მინუსები: ლაზერზე უფრო ძვირია, რადგან მხოლოდ ლიცენზიის მქონე პროფესიონალ ექიმს შეუძლია პროცედურის ჩატარება

შედეგი: სამუდამო შემცირება, თუმცა ზოგიერთი თმის ღერი შესაძლოა ისევ ამოიზარდოს.

ღირებულება: თმის სრულად გასაქრობად რამდენიმე პროცედურაა საჭირო, შესაბამისად ხარჯები შეიძლება 500 ლარს აცდეს.

გავუზიაროთ ერთმანეთს გამოცდილება!

თუ იცით სილამაზის ცენტრები სადაც კარგი მომსახურება და ფასებია ზემოთ ჩამოთვლილი მომსახურებებისთვის, გთხოვთ კომენტარებში მოგვწეროთ.

[poll id=”32″]