ალბათ ხშირად შეგიმჩნევია გოგონები, რომლებიც არასწორად არჩევენ ტონალური კრემის ფერს, შესაბამისად, მათი კანი არაბუნებრივად გამოიყურება და აჭრელებულია. ჩემი მეგობარი ბიჭების აზრით, არასწორი მაკიაჟი, და კერძოდ, დიდი ოდენობით მუქი ტონალური, საშინლად არამიმზიდველია.

მოდი, ერთ რაღაცაზე შევთანხმდეთ: ტონალურის ფუნქცია სახეზე რუჟის ეფექტის მიღება არაა! მისი მთავარი ამოცანა მაკიაჟისთვის ბაზისის შექმნა და პატარა ნაკლოვანებების დაფარვაა. თუმცა ამ შედეგების მისაღწევად აუცლებელია შენი სახის კანის ფერის და არა ორი ან სამი ტონით მუქი ტონალობის შერჩევა.

მსგავსი შეცდომების თავიდან ასაცილებლად გადახედე ტონალურის შერჩევის წესებს:

1. იცოდე შენი სახის კანის ტიპი

ტონალურის სწორად შესარჩევად აუცილებელია იცოდე, რა ტიპის სახის კანი გაქვს. ტონალურის ყიდვისას დააკვირდი მის შემცველობას და ფორმულას. ზეთოვანი ფორმულის მქონე ტონალურები კარგია აკნესკენ მიდრეკილი ან ზეთოვანი კანისთვის. დამტენიანებელი ფორმულის შემცველი ტონალური კი კარგია მშრალი და ნორმალური კანისთვის. ხოლო მათ, ვისაც მგრძნობიარე კანი გაქვთ, ისეთი ტონალური უნდა მოიძიოთ, რომელშიც არაკომედოგენური (აკნეს გამომწვევი) ან ჰიპოალერგიული ფორმულაა.

2. შეარჩიე შესაბამისი ტონი

როდესაც ტონალურის ასარჩევად წახვალ, ფერი არასდროს გასინჯო ხელის მტევანზე. ფერები, მუქიდან ღიისკენ, ღაწვებზე წაისვი და სინათლეზე გადი. შენთვის შესაფერისია ტონი, რომელიც შენი კანის ფონზე აღარ გამოჩნდება!

ftest oundation1

3. შეცვალე სეზონურად

კანის ფერი სეზონის მიხედვით ღიავდება ან მუქდება. ეს ასაკის მატებითაც შეიძლება იყოს გამოწვეული, ამიტომ შენი ტონალურის ფერი ყოველთვის უნდა იყოს შესაფრისი.

რჩევა: თუ მაინცდამაინც რუჟის ეფექტის შექმნა გინდა, სჯობს ეს პუდრის ხარჯზე სცადო და არა ტონალურის. იმისთვის, რომ ტონალური სახეზე კარგად დაჯდეს, აუცილებლად უნდა გადაისვა პუდრი.

4. გამოიყენე კორექტორი (Concealer)

შავი წრეები თვალებქვეშ, გამონაყარი ან ნებისმიერი ტიპის ლაქა კორექტორით დაფარე. კორექტორი ტონალურზე ერთი ან ორი ტონით ღია უნდა იყოს.

5. გამოიყენე ბაზისი (Primer)

სასურველია, დამტენიანებელს და ტონალურს შორის ბაზისი გამოიყენო. ბაზისი ეხამრება გლუვი ზედაპირის შექმნას, რაც აადვილებს ტონალურის სწორად გადანაწილებას. მწვანე საფუძვლის მქონე ბაზისი ეხმარება სახეზე სიწითლის გაქრობას, ხოლო ბაზისი ლავანდის საფუძვლით მკრთალ კანს გაახალისებს. თუმცა მე ამჟამად გამჭვირვალე სილიკონის ბაზისი მაქვს, რომელიც ძალიან ადვილად ანაწილებს ჩემს ტონალურს.

6. კონტური

სახის ნაკვთების გამოსაკვეთად ჩრდილების ეფექტის შექმნა ოდნავ მუქი ფერის პუდრის წასმით შეგიძლია. ირიბად შეკრეჭილი ფუნჯით პუდრის წასმა დაიწყე შუბლიდან, შემოჰყევი ღაწვებს და ყვას. შენი ხელის მოძრაობა ციფრი სამის დაწერას უნდა ჰგავდეს.Contouring

7. ბრონზერი

ბრონზერის მეშვეობით სეზონის მიუხედავად, შენს კანს ბუნებრივი ბრწყინვალება შეგიძლია შესძინო. დიდი ზომის ფუნჯით, ბრონზერის მცირე ოდენობა გადაისვი ისეთ ადგილებზე, სადაც მზის შუქი ბუნებრივად გხვდება: შუბლი, ღაწვები, ცხვირი და გვერდები.

8. გამღიავებელი (Highlighter)

გამღიავებელი ნაზ შტრიხებს აძლევს სახის იმ ადგილებს, სადაც გაფერმკრთალება გჭირდება. გამღიავებელი მცირე ოდენობით წაისვი ძგიდესა და წარბის ქვეშ (სადაც წარბის ფორმა მრგვალდება). კარგად გადაინაწილე, რომ ზედმეტად თეთრი არ ჩანდეს.

მას შემდეგ, რაც ამ ყველაფერს მოიმარაგებ, სრულყოფილი მაკიაჟისთვის მზად ხარ. გადახედე ჩვენს 7 მარტივ რჩევას, რათა ხარვეზები არ გაგეპაროს.

ა: სანამ მაკიაჟის წასმას დაიწყებ, აუცილებლად დაიბანე ხელები და სახე!