Home მკითხველის ისტორიები

თქვენი შეკითხვები და ისტორიები შეგიძლიათ გამოგზავნოთ ამ ფორმის მეშვეობით: მოგვწერეთ

Dilemma

“მიყვარდა ერთი ბიჭი. 3 წელი ერთად ვიყავით, 15 წლის ასაკიდან. სულ ჩემთან იყო, სულ თავს მევლებოდა, მიფრთხილდებოდა, ჩვენს მომავალზე მელაპარაკებოდა, მეუბნებოდა, რომ სულ ერთად ვიქნებოდით. ისე მიყვარდა, მის გამო ყველაფერზე უარს ვამბობდი. თითქოს დამაბრმავა ამ გრძნობამ, რაღაც სიგიჟე იყო. ისე მოხდა, რომ მასთან დავწექი. პატარა ვიყავი, სულ ვტიროდი, ვნერვიულობდი. მეგონა, ყველაფერი დამთავრდა, მაგრამ იმ ბიჭის დედა სულ მირეკავდა, მაწყნარებდა. მას შემდეგ უწინდებურად კარგად ვიყავით ერთმანეთთან. ხშირად მნახულობდა. მეუბნებოდა, რომ ვუყვარდი, მაგრამ როცა 18 წლის გავხდი, თითქოს ნელ-ნელა დამშორდა. ისე მოხდა, რომ დავცილდით ერთმანეთს და მე ჩემთვის, მარტო, განვაგრძე ცხოვრება. ჩვენი დაშორებიდან თითქმის 2 წელი გავიდა, მაგრამ კიდევ ცდილობს ჩემთან კონტაქტს. თითქოს უნდა ურთიერთობის აღდგენა. არ ვიცი, რა ვქნა. ვგრძნობ, რომ კიდევ მიყვარს, მაგრამ არ მჭირდება გვერდით ადამიანი, რომელმაც ერთხელ უკვე დამტოვა.. გული ძალიან მტკივა, გამოსავალს ვერ ვპოულობ.”

„გული ძალიან მტკივა“… თუ ეს მხატვრული გაზვიადება არაა და შენი სიტყვები რეალობას ასახავს, ყველაზე დიდი ყურადღება სწორედ ამ ფაქტს უნდა მიაქციო. გული სიყვარულის საკითხებში არასოდეს ცდება. გონებას შეიძლება, ედავო, უმტკიცო, აჯობო და რაშიც გინდა, დააჯერო, მაგრამ ტკივილი ისევე ცხადად მიგანიშნებს მთავარ პრობლემაზე, როგორც კომპასის ისარი – სწორ მიმართულებაზე.

აბა, დაფიქრდი, რამ გამოიწვია შენი ასეთი გულისტკივილი? რა იყო დაშორების მიზეზი? როგორც ამბობ, ამ ადამიანმა ერთხელ უკვე მიგატოვა. ის, რომ შენთან სექსუალური კონტაქტის დამყარებამდე თავს გევლებოდა, სულაც არ ნიშნავს, რომ სერიოზული გრძნობები და განზრახვა გააჩნდა. ასე იქცევა ყველა ბიჭი, თუ გოგოსთან დაწოლის იმედი აქვს.

მაპატიე, მაგრამ მისი დედის საქციელიც ადვილი შესაძლებელია, მშობლის ჩვეულებრივი წინდახედულობა ყოფილიყო და არა ქალური ან პიროვნული თანაგრძნობის გამოხატულება – არასრულწლოვანთან სქესობრივი კავშირი ხომ კანონით ისჯება. იქნებ დედა-შვილს სწორედ ამის ეშინოდა?! ყოველ შემთხვევაში, ის, რომ თქვენი დაშორება 18 წლის მერე „გაფორმდა“, მსგავს ეჭვებს აღძრავს. გირჩევ, მეხსიერებაში ამ მომენტთან დაკავშირებული, ყველა ფაქტი კიდევ ერთხელ საგულდაგულოდ გადაჩხრიკო, სათანადოდ გააანალიზო.

ახლა იმ გარემოებას მივხედოთ, რომ ბიჭი შენთან ურთიერთობის აღდგენას ცდილობს. დარწმუნებული ხარ, რომ ამას სიყვარულის გამო აკეთებს და არა სექსუალური დაუკმაყოფილებლობის? ამაში გარკვევა ძნელი არაა, თუ ფიზიკურ სიახლოვეზე არ დათანხმდები და საკუთარი თავის მოტყუებაში დახმარებას არ გაუწევ. შეყვარებულთან ურთიერთობის განახლებაზე მხოლოდ მაშინ დაიწყე ფიქრი, თუ მის გრძნობებში საბოლოოდ დარწმუნდები.

შესაძლებელია თუ არა, რომ ნამდვილად უყვარდე? შეიძლება, რატომ არა?! ყველაფერი ხდება. ხანდახან ადამიანი წლების მერე აცნობიერებს, რა დაკარგა, მაგრამ მსგავსი სიტუაციები არც ისე ხშირია, როგორც გვინდა ან წარმოგვიდგენია.

შენ? შენ თუ გიყვარს? იქნებ, უბრალოდ, მასზე ფიქრს შეეჩვიე?!

მოდი, ცოტა ხნით დაივიწყე ეს პიროვნება და წარმოიდგინე, როგორ მამაკაცთან იგრძნობდი თავს ბოლომდე ბედნიერად, მერე კი შენი წარმოსახვის ნაყოფი დაკვირვებით შეადარე შენს „რაინდს“. ჰგვანან? თუ კი, მაშინ ნამდვილად ღირს ბრძოლა, თუ არა და – რაც დროზე შეამჩნევ სხვა სახეებს, მით უკეთესი იქნება შენთვის.

რაც შეეხება გამოსავალს, სიტუაციაში საფუძვლიანად გარკვევის, ანუ ზემოჩამოთვლილ შეკითხვებზე პასუხების გაცემის შემდეგ, მისი მოძებნა აღარ უნდა გაგიჭირდეს. თუ ასე არ მოხდა – გვიგულე შენს განკარგულებაში – Pink.ge ყოველთვის შეეცდება, დაგეხმაროს.

თქვენი შეკითხვები და ისტორიები შეგიძლიათ გამოგზავნოთ ამ ფორმის მეშვეობით: მოგვწერეთ

20 კომენტარი to this post
  1. შენი ცხოვრება მხოლოდ შენ გეკუთვნის და ისე უნდა მოიქცე,როგორც გსურს.მომავალი ყველას გვაშინებს,რადგან არ ვიცით წინ რა გველის.მე შენს ადგილზე ,რომ ვყოფილიყავი გაკაკეთებდი იმას,რასაც გული მეტყოდა,შეიძლება შეცდომაც დამეშვა,მაგრამ შეცდომებზე სწავლობს ადამიანი.თუ გინდა,რომ დაუბრუნდე მაგ ბიჭს-დაუბრუნდი,თუ არა-არა.ისე,იცოდე,რომ ერთ მდინარეში ორჯერ ვერ შეხვალ. :) წარმატებებს გისურვებ :*

  2. არ არის აქ სიყვარული არაფერ შუაში. ეს უბრალოდ ჟინის მოკვლა გამხდარა. ახლა ისევ აქვს ჟინი შენს მიმართ და თუკი დაიკმაყოფილებს, მაშინ ისევ წავა და შენ ისევ მის გამო უნდა იტანჯო :(

  3. თუ დაქტოვა შეიძლება იმიტომ რო დაფიიქრება უნდოდაა.ახლა კი რაღაც გადაწყვეტილება მიიღო , მიხვდა შეცდომას და შეიძლება ცოლად მოგიყვანოს..რა იციი ცხოვრება რას გიმზადებს.

  4. რასაც გული გკარნახობს ის გააკეთე არავინ ვიცით წინ რა გველოდება ამიტომ წინასცარ თავს ნუ იკლავ მომავალში რა იქნება მაგის გასარკვევად მიირე ყველაფერი რასაც ცხოვრება გთავაზობს და არ დაგავიწყდეს ისე ცოტა ხანი ვცოცხლობთ ამ ქვეყანაზე დასაკარგი დრო და სიყვარული არ გკავქვს

  5. მიეცი შანსიი თუ შენ გიყვარს ოღონს დაწოლის გარეშეეე….მაგაში არ ყოფილა სანდო

  6. ერთს გეტყვი ვისაც უყვარხარ არ წავა და არც ეგრე გატკენს გულს ….იმასაც გააჩნია როგორ წავიდა.. ვინც ერთხელ გიღალატა არ ღირს მეირეჯერ შანსი მისცე, ერთხელ აცილებულ ტყვიას მეორეჯერ ნუ მოიხვედრებ….თვეები არ ჭირდება მისახვედრად გჭირდება თუ არა ის ადამიანი… დროთა განმავლობაში ვარიანტი არ გამოუჩნდა უკეთესი და შენთან დაბრუნდა??? ნუ დაიმცირებ ამ დონეზე თავს … ნუ იქნები არასდროს ვარიანტი ,
    იყავი ყოველთვის პრიორიტეტი : ))))))

  7. ზოგჯერ მიდიან იმიტომ, რომ პასუხისმგებლობას გაურბიან. ხდება ხოლმე. ვერ გაიგებ ადამიანის აზროვნებას ბოლომდე, ვის რა ცამოუვლის თავში. შეიძლება წავიდა მართლა იმიტომ, რომ ესეთი ურთიერთობა გარკვეულ პასუხისმგებლობას მოითხოვს ერთმანეთის მიმართ და შეეშინდა. რადგან დაბრუნდა ესეიგი იფიქრა მაგაზე, შენზე და შენს ტკივილებზე და სინდისმა შეაწუხა. მიეცი შანსი კიდევ ოღონდ მხოლოდ ერთხელ, დაუკვირდი რას გააკეთებს შენთვის დანაშაულის გამოსასყიდად. ოღონდ დაიმახსოვრე, თუ კიდევ დაწვები მასთან ეგ უკვე შენი სისუსტე და დიდი შეცდომა იქნება :)

  8. 2 წელი თუ შენს გარეშე გაძლო ესეიგი არ უყვარხარ, უბრალოდ ქალი ჭირდება და შემდეგ ისევ მიგატოვებს, არ შეურიგდე არ გირჩევ უკეთესს ყოველთვის ნახავ. ნუ შეგაშინებს ის ფაქტი რომ ქალწული აღარ ხარ აუცილებლად ნახავ ადამიანს რომელიც გაგიგებს :*

  9. ადამიანი ერთს იტყვის და მეორეს აკეთებს, ისმენს და თავისას აკეთებს ზოგადად, როცა სიყვარულს თემა ეხება ზედმეტია რამის რჩევა დარიგება, ადამიანი ისე იქცევა შემთხვევების დროს რასაც სიყვარული და ვნება კარნახობს ,, სულაც არ ახსოვს მას სოციალური ქსელების მხარ დამჩერნი და დამპადეშკებელნი,, ასე რომ რამდენიც გინდა იმდენი შეცდომა დაუშვი სანამ არ მიხვდები რომ გაგედო,,,, ან მოიქეცი ისე რომ ამურტიერტობიდან კარგი მოგონებები დაიტოვო თუ მართლა დაპირებს ისევ წასვლას ის ვიგაც :)

  10. ara da kidev ertxel ara.ar vetanxmebi am komentars. ararsebobs sami weli bijma iset gogostan gazlos vinc ar uyvars. es apsurdia. damijere sheurigdi im pirobit rom shentan dawolaze awi uari unda tqvas. tu amaze dagtanxmdeba mashin uyvarxar. tu saqme gaachianura da konkretuli pasuxi ar gitxra mashin icode zvirpaso mas mxolod loginshi schirdebi. tan saqartveloshi vcxovrobt. sazgvargaret yvelaperi sxvagvaradaa.

  11. შენს ადგილას ისევ დავუახლოვდებოდი მაგრამ როცა საქმე საქმეზე მიდგებოდა უარს ვეტყვოდი. მერე რაც უნდა ის უქნია. და შენთან რამის მიღწევა თუ უნდა გდიოს და იწკმუტუნოს ლეკვივით.

  12. ხანდახან ქალებს უყვართ რაღაცეების გაზვიადება, კაცი რომ იძახის “მინდიხარ” გვეჩვენება სიტყვა ‘მიყვარხარ’ თავს ნუ იტყუებთ და რეალურად იცხვორეთ, ყოველთვის ასე ვაკეთებდი, 4 წელი ვხვდებოდი ბიჭს ვმესიჯობდით და სექსიც გვქონდა მაგრამ არც ერთხელ მიფიქრია რომ ვუყვარდი, უბრალოდ ჩემთან კარგად გრძნობდა თავს. და რომ წავი არც დამწყვეტია გული იმიტომ რომ მე მასე ვიყავი მისმიმართ, ხო და თავიი განზირეთ რა ზოგიერთ გოგოს უბრალოდ წერე ფეისბუკზე გამოვა დაქალებშ და იძახის “ჩემზე გიჟდება”. თავს ნუ მოიტყუებ მე ჯერ არ შემხვედრია კაცი რომელსაც მოვუტყუებივარ, ყველა პირდაპირ მეუბნებოდა რას სურდა, და მე რა მსურდა მასთან. ხო და დებილებივით ნუ აღტაცდებით ხოლმე 2 სიტყვაზე და ფიქრდით სად გადის ზღვარი სექსის მოთხოვნილებასა და გრძნობებს შორის !

  13. ისე ამ თემაზე შეიძლემა მთელი დღე იმსჯელოს ადამიანმა მაგრამ სწორ გადაწყვეტილებამდე მაინც ვერავინ ვერ მივა ყველაფერი ინდივიდუალურია. :)

  14. არა…დაივიწყე.არ ჩანს სანდო..ჯობია მაპირზევე იგრძნო შტორმი სანამ ღრმად შეცურავ.

  15. jigaroo 001 yvela statiashi rogor unda werde aset rames. :D sxvebtan bodishi da sul mutlis wovit awoneb gogoebs tavs ? martla egeti profi tu xar arunda gchirdebodes statiebze gogoebis modzebna seqsistvis :D :D lawiraki bavshvi

შენ რას იტყვი?