თქვენი შეკითხვები და ისტორიები შეგიძლიათ გამოგზავნოთ ამ ფორმის მეშვეობით: მოგვწერეთ

 2

ისტორიები და ამბები, რომელთა შესახებაც ვწერთ, ჩვენს ერთგულ მკითხველს უბიძგებს საკუთარი ამბის მოყოლისკენ. მათი სურვილი მიიღონ რჩევა, მოჰყვნენ საკუთარ გულისნადებს, წინ გადადგმული დიდი ნაბიჯია. ყველას ხომ არ შეუძლია საჯაროდ ისაუბროს საკუთარ პრობლემაზე. დღესაც შემოგთავაზებთ კიდევ ერთ წერილს, პირველ რიგში, მინდა, შეგახსენოთ, რომ ადამიანებს გაკიცხვისა და კრიტიკის ნაცვლად მხარდაჭერა და კომპეტენტური რჩევები სჭირდებათ. რაც შეეხება ამ კონკრეტულ წერილს, გთავაზობთ მას სრულად.

მკითხველის წერილი:

მიყვარს ბიჭი, რომელთანაც სექსი მქონდა. მეგონა, მასაც ვუყვარდი, მაგრამ მითხრა რომ არ ვუყვარვარ, უბრალოდ სიამოვნებს ჩემთან ურთიერთობა, მე კი მაინც მიყვარს და ვერ ვივიწყებ. მას ჩემ მიმართ არანაირი გრძნობა არ გააჩნია. ძალიან ცუდად ვარ. გთხოვთ, დამეხმარეთ :( 

ფსიქოლოგის პასუხი:

კარგი იქნებოდა ცოტა მეტი ინფორმაცია გვქონოდა ამ ურთიერთობის შესახებ, თუმცა ახლაც შეიძლება დასკვნების გამოტანა. ზოგჯერ არის შემთხვევა როდესაც რაღაც ძალიან გვინდა და ჩვენს სურვილებს რეალობად აღვიქვამთ, ამიტომ ყოველთვის უნდა ვეცადოთ, გავმიჯნოთ ჩვენი სურვილები და რეალობა ერთმანეთისგან. მე, ერთი შეხედვით, მრჩება შთაბეჭდილება, რომ ეს ადამიანი მიგიჩნევს მეგობრად პლუსებით. პლუსებში ვგულისხმობ, რომ სიამოვნებს შენთან ურთიერთობა მაგრამ მეტი არაფერი. ნათლად ჩანს, რომ მას შენთან დაკავშირებით არანაირი სამომავლო გეგმა არ გააჩნია. შენ აუცილებლად უნდა გაუსწორო რეალობას თვალი, შეხედო ყველაფერს ცივი გონებით და გააკეთო შენი არჩევანი: სამუდამოდ დაიტანჯო არარეალური მოლოდინით, თუ გააგძელო ცხოვრება და გაკვეთილად დაიტოვო ეს ამბავი. დაიწყე ახალი ეტაპი შენს ცხოვრებაში, გახალისდი, ირწმუნე საკუთარი თავის, შეეცადე არ იყო დამოკიდებული გარე ფაქტორებზე და გააკეთო ის, რაც შენთვის იქნება უკეთესი.

P.S მთელი შემოქმედებითი ჯგუფი წარმატებებს გისურვებს!

თქვენი შეკითხვები და ისტორიები შეგიძლიათ გამოგზავნოთ ამ ფორმის მეშვეობით: მოგვწერეთ