Pink.ge-ს ავტორების მეორე შეკრება

6 ნოემბერს ჩვენი ჟურნალის ავტორებმა უკვე მეორე შეხვედრა მოაწყვეს. ამჯერად შეკრება აბაშიძის 10 ნომერში მდებარე კაფე “დონატ სტოპში” მოხდა. შეკრებაზე დაპატიჟებული იყვნენ ის ავტორები რომელთაც ოქტომბრის თვის განმავლობაში მინიმუმ ერთი პოსტი შეჰმატეს Pink.ge-ს არქივს.

შეხვედრაზე საზეიმოდ აღინიშნა ყოველდღიურად გამოქვეყნებული სტატიების მომრავლება, ვებ–გვერდის ყოველდღიური უნიკალური ვიზიტორების 500–მდე გაზრდა და Facebook-ზე 2000 მეგობრის შემოერთება.

ავტორებმა შეკრებაზე განიხილეს ჟურნალის განვითარების სხვადასხვა გზები, ახალი იდეები და სამომავლო გეგმები. გადაიღეს ფოტოები, მიირთვეს ჩაი და საინტერესო იდეებით შთაგონებულები დაიშალნენ მომავალ შეხვედრამდე.

ასევე ავტორების გუნდური გადაწყვეტილებით გამომჟღავნდა ფეისბუქის კონკურსის, “ზამთრის ჩაცმულობის” გამარჯვებული.

ეს გახდა – თამრი ხეიძე! მას საჩუქრად სპეციალურად Pink.ge-ს მიერ დაწესებული კაშნე გადაეცემა.

აქვე შეგახსენებთ, რომ ყველა ის ავტორი რომელიც ნოემბერში გამოაქვეყნებს მინიმუმ ერთ პოსტს, დაპატიჟებული იქნება შემდეგ შეკრებაზე.

შემოგვიერთდით: pink.ge/join