ახალი ჯინსი გაცვია, სარკის წინ ორი საათი იტრიალე, რომ მომატებული 300 გრამის დასამალი მაისური შეგერჩია, თმა ერთი სანტიმეტრით დაიმოკლე (ასე უფრო კარგად ჩანს შენი მწვანე თვალები), ახალი ფეხსაცმელი გაცვია… ის კი ისე იქცევა, თითქოს არავითარი ცვლილება არაა. სანამ გაბრაზდებოდე და უყურადღებობაში დაადანაშაულებდე, გადახედე, რა შეიძლება ვერ შეამჩნიოს ათიდან რვა მამრმა:

ახალი ხელჩანთა

Womans-Handbag

ხელჩანთა ხელჩანთაა. ფერის/ფაქტურის/სტილის ოდნავი ცვლილება არსებითად არ ცვლის ამას. თუ ხელჩანთიდან ზურგჩანთაზე გადახვალ, ცვლილება შეიძლება აღიქვას. შეიძლება…. იმედი არის, თუმცა გარანტია – არა.

ახალი, ლამაზი ფორმის სურნელოვანი სანთლები

candles

…და სხვა მინიატურული, სასიამოვნო სუვენირები. მამაკაცების უმრავლესობის ტვინი საამისოდ უბრალოდ არაა მოწყობილი. მისთვის სულერთია, ეს მოტკბო სურნელი “ვანილია”, “ეგზოტიკური ვანილი” თუ “ჟასმინი”. ნუ მოსთხოვ, ავტომატურად შეამჩნიოს ყველა წვრილმანი, რომელიც შენს ოთახში შეიცვლება.

მაკიაჟის არარსებობა

make-up

რასაკვირველია, არსებობენ ბიჭები, რომლებიც იმასაც კი ამჩნევენ, რომ ახალი ბრენდის ტუში გისვია, მაგრამ ბიჭების დიდი უმრავლესობა ამას უბრალოდ ვერ ამჩნევს და სახეს მთლიანობაში აღიქვამს. რასაკვირველია, აქ ლაპარაკია ყოველდღიურ, ნატურალურთან მიახლოებულ მაკიაჟზე, ტონალურ კრემზე/ტუშზე/თვალის ფანქარზე და არა საღამოს მძიმე მაკიაჟზე.

და რუჟი

ეგ რაღაა?

ახალი ფეხსაცმელი

new shoes

რიგით ოცდამეშვიდე ქუსლიანი ფეხსაცმელი! ა, ფეხსაცმელი? ხო, ლამაზია, გიხდება. წინაც გიხდებოდა, იმის წინაც, ხვალ რომ იყიდი, ისიც მოგიხდება იმიტომ, რომ ფეხსაცმელი გიხდება.

ცელულიტი

როგორც წესი, ჩვენ ბევრად უფრო კრიტიკულები ვართ საკუთარი სხეულის მიმართ, ვიდრე მამრები. დეტალები არავის აინტერესებს, თუ ეს დეტალი შორსწასული ცელულიტი არაა, რომელიც თხელ შარვალშიც ჩანს.

და მომატებული/დაკლებული ორი კილო

kilos

სერიოზულად? 300 გრამი მოიმატე? სასწრაფოდ დიეტა! სინამდვილეში, შენი 300 გრამი და ორი კილოგრამი მხოლოდ მაშინ ხდება შესამჩნევი, როცა ამაზე წუწუნს იწყებ, ჯდები დიეტაზე, იფუჭებ ხასიათს და აი ამას უკვე ნამდვილად ამჩნევენ.

შოკოლადისფერი ან/და წაბლისფერი თმა

hair

ცეცხლოვანი წითელიდან სპილენძისფერ ჟღალზე რომ გადავედი და ვიკითხე, რომელი უფრო მოსწონდა, პასუხად დაბნეული გამომეტყველება მივიღე.

რასაკვირველია, არსებობენ მამრები, რომლებიც უმნიშვნელო ცვლილებებსაც ამჩნევენ, ფეხსაცმლის ბრენდებში ჩემზე უკეთ ერკვევიან და ახალ დამატენიანებელ კრემსაც შემომთავაზებენ. თუმცა, მასიურად, ან თუ გინდა სტერეოტოპულად, მამრებისთვის ზემოთ ჩამოთვლილი “მნიშვნელოვანი დეტალები” ის წვრილმანებია, რომელზეც არ ღირს ყურადღების გამახვილება.

და რას ვერ ამჩნევს შენი მამაკაცი?