ცხოვრებაში ისე ხდება რომ რაოდენ განსხვავებულებიც არ უნდა ვიყოთ ერთმანეთისაგან , ადამიანებს გვაწუხებს მსგავსი ტიპის პრობლემები და შეკითხვები. ეს შესაძლოა იმით ავხსნათ, რომ გარემო ყველას მეტად თუ ნაკლებად ერთი გვაქვს და  ერთმანეთთანაც სტანდარტული ურთიერთობები გვაკავშირებთ (ან მეგობრები ვართ, ან მტრები, ან პარტნიორები, მშობლები, შვილები და ა.შ).

ქალბატონები უფრო მეტად ზრუნავენ იმაზე თუ რას ფიქრობენ მათზე სხვები, არის თუ არა მათი პრობლემები დანარჩენების მსგავსი და ზუსტად ამის გამო იბადება რამოდენიმე შეკითხვა, რომელიც ყველაზე ხშირია და ის სექსის თემაზე გახლავთ.

1.  მეც ისეთი ვარ თუ არა როგორც სხვები, ნორმალურია თუ არა ის რაც მე მახასიათებს (სექსუალურ ასპექტში)?

– ამაზე ხშირად ფიქრობენ ქლები. ნებისმიერ ჩვენთაგანას აინტერესებს არის თუ არა მათი სურვილები, მოთხოვნილებები და ფიზიოლოგიური მახასიათებლები სხვების მსგავსი. ყველა უფრთხის თეთრ ყვავობას.

ალბათ იმის გამო რომ ბევრ ჩვენგანს ბავშვობაშივე ჩააგონეს სექსის საშინელების შესახებ, ეს ზრდასრულ ასაკში გვახსენებს თავს. არა უშავს, დაივიწყეთ ყველაფერი, რაც როდისმე თქვენთვის უთქვამთ – თუ თქვენ გაქვთ სექსი, არავის და არაფერს ვნებთ ამით, იცავთ უსაფრთხოებისა და ჰიგიენის მარტივ წესებს, მაშინ მინდა გახაროთ – თქვენც ზუსტად ისეთივე ხართ, როგორიც სხვები, ზუსტად ისევე აღეგზნებით, როგორც სხვები და თითქმის იგივე სურვილები გაქვთ, რაც სხვებს.

თქვენ ნორმალური ხართ. გინდოდეს სექსუალურ და მიმზიდველ ქალად ყოფნა ეს ძალიან ჩვეულებრივი ამბავია, ისევე როგორც სექსის დროს სიამოვნების სრულად მიღების სურვილი.

2. ნეტავ სხვა ადამიანებსაც ისევე ხშირად / იშვიათად აქვთ სექსი, როგორც მე და ჩემს პარტნიორს?

1

– ალბათ ახლო მეგობრებთან ყველა ქალს დაუსვამს ეს შეკითხვა. ამ კითხვის გაჩენის მიზეზი ორიდან ერთი შეიძლება იყოს: ან იმის გვეშინია, რომ სხვები უფრო მეტი სიამოვნების მიღებას ასწრებენ, ან იმის, რომ სექსზე ჩაციკლულები არ აღმოვჩნდეთ.

დამშვიდდით. თუ ექიმებისა და სოციოლოგების მიერ განხორციელებულ კვლევებს ვენდობით არსებობს რამოდენიმე განსხვავებული სიხშირის აქტივობა წყვილებს შორის და ეს დამოკიდებულია მათი ერთად ყოფნის პერიოდზე – რაც უფრო ახალია წყვილი, უფრო ხშირია სექსუალური კონტაქტის სურვილი, შემდეგ კი ეს სურვილი (დროთა განმავლობაში) იშვიათდება და დადის კვირაში (დაახლოვებით) 2 ან 3 აქტამდე. ასე რომ გამოდის ადამიანები ამ შემთხვევაშიც კი ძალიან სტანდარტულები არიან. ისევ გადავურჩით თეთრ ყვავობას.

3. ჩემს პარტნიორთან კარგია მაგრამ მე კიდევ სხვა რაღაცეების მოსინჯვა მინდა, როგორ ვუთხრა?

წყვილი

– ეს ყველაზე დიდი თავისტკივილია თითქოს. თუმცა სიმართლე რომ ვთქვათ, არაფერი ამაში განსკუთრებული არ არის. ყველა ადამიანს უჩნდება ინტერესი, უნდა გაიგოს და შეიგრძნოს უფრო მეტი, ან სცადოს რაიმე განსხვავეული იმისგან რაც სულ აქვს, თუმცა შიში იმისა რომ პარტნიორი განაწყენდება – ყველაფერს აფუჭებს.

მინდა გაგახაროთ და გითხრათ, რომ იშვიათი გამონაკლისების გარდა ჩვენი აზრების წაკითხვა არავის ძალუძს და თუ ფრთხილად და კორექტულად ვეტყვით პარტნიორს იმის შესახებ, თუ რა გვინდა, ამით არაფერი დაშავდება, პირიქითაც კი – ისინიც მოხარულები იქნებიან თქვენთან ერთად ახალი შეგრძნებების გამოცდა თუ მოუწევთ, თანაც გახსნილი და საინტერესო ადამიანები ყველას ძალიან მოსწონს / აინტერესებს.

მანამ სანამ პარტნიორსაც გაანდობთ თქვენს სურვილს, დარწმუნდით რომ კონკრეტულად და ზუსტად იცით რა გინდათ, იქნება ეს  – ხანგრძლივი პრელუდია, ახალი პოზა, უჩვეულო ადგილი სექსისასთვის თუ სხვა.

არ დაგავიწყდეთ , რომ შესაძლოა თქვენი  სხეული დიდი ამოცანა აღმოჩნდეს პარტნიორისათვის და ზუსტად მაგიტომ თქვენ ვალდებულიც კი ხართ ნაზად და კორექტულად მიანიშნოთ მას იმაზე, თუ რა ან როგორ გირჩევნიათ.

გააკეთეთ ეს სწორი ფრაზებით, რომელიც მაგალითად მის თავმოყვარეობასაც გაზრდის და კომპლიმენტადაც აღიქვამს, შეგიძლიათ სულაც სხეულის მოძრაობითა ან   მსგავსი აქტივობის  – მაგალითის სახით განხორციელებით მოახდინოთ.

სექსი ყოველთვის სასიამოვნოა როდესაც პარტნიორებს შორის უხერხულობა და უთქმელი სურვილები არ არსებობს.

იზუნეთ თქვენს პარტნიორზე და არ დაგავიწყდეთ ყველაზე სასიამოვნო მაინც უსაფრთხო სექსია!