Home მნიშვნელოვანი

ასე უპასუხა ქალ-ვაჟის პატრონმა ერთმა პიროვნებამ მოსახლეობის აღწერის აგენტს კითხვაზე, თუ რამდენი შვილი ჰყავდა. აღნიშნული შემთხვევის შემსწრე თავად რომ არ ვყოფილიყავი და შთამომავლობის აღრიცხვის ამ მეტად ორიგინალურ მეთოდს საკუთარი ყურების შუამდგომლობით არ გავცნობოდი – ვფიცავ, არცერთ სხვა წყაროს არ დავუჯერებდი.

თქვენც შეგიძლიათ, არ დამიჯეროთ, თუმცა ვინ იცის, იქნებ უჩემოდაც კი გსმენიათ ამდაგვარი ფაქტების შესახებ – როგორც შემდგომში გავარკვიე, თურმე მსგავსი ფორმულირება სულაც არ ყოფილა უცხო საზოგადოების გარკვეული ფენისათვის. ისე კი, საქმე მხოლოდ ფორმულირებაში როდია…

რამდენიც არ უნდა გვიმტკიცოს სულმნათმა რუსთაველმა, ლეკვი ლომისა სწორიაო, ფაქტი ფაქტად რჩება: საზოგადოებრივი აზრი ისევე შორს არის ამ ჭეშმარიტების აღიარებისგან, როგორც თბილისი ამერიკის დედაქალაქისგან. არ გჯერათ? მაშინ სინჯეთ და რამდენიმე საათი სამშობიაროს მოსაცდელში გაატარეთ. ქართული საერთოდაც რომ არ გესმოდეთ, მაინც იგრძნობთ იმ განსხვავებას, ბიჭისა და გოგოს ამქვეყნად მოვლინებას რომ ახლავს ოჯახში.

ვის უნდა დარჩეს ჩემი ქონება?! სიძეს?! ან გვარი ვიღამ უნდა გამიგრძელოსო, ისე კითხულობს ერთი ვინმე სამჭკუაშვილი, თითქოს საქმე სამეფო დინასტიის მომავალს ან ფორდის იმპერიის სავარაუდო მფლობელს ეხებოდეს. შეურაცხყოფას არავის ვაყენებ, უბრალოდ, რაღაცნაირად გული მტკივა იმ პატარა ადამიანების მაგივრად, ცხოვრებას XX ქრომოსომული კომბინაციით რომ იწყებენ.

ჰო, მართლა… ქრომოსომებზე გამახსენდა.“ბიჭი ვერ გამიჩინა“, – მოგისმენიათ, ალბათ, როგორ ჩივიან ხოლმე მეუღლის მისამართით „გულდამწვარი“ მამაკაცები. არა, ქვეყანა მართლა ჩალით არის დახურული, თორემ ვის მოუვიდოდა აზრად, ქალი დაედანაშაულებინა იმაში, რაშიც 100%-ით თავად არის „დამნაშავე“. გენეტიკის ღრმა ცოდნა არ უნდა, სასკოლო განათლებაც საკმარისია იმისათვის, დარწმუნებული რომ იყო, ბიჭის ჩასახვას მხოლოდ მამაკაცის ბუნებრივ არსენალში მყოფი Y ქრომოსომა განაპირობებს და ქალი, როგორი სრულყოფილიც არ უნდა იყოს, მის გარეშე ვერაფერს გახდება.

ისე, სამართლიანობის ხათრით, უნდა ითქვას, ახალდაბადებული ქალიშვილის მამაც არ არის მთლად კარგ დღეში და, მართალია, ამ „საპატიო“ სტატუსის მისალოცად ყურს არავინ უწევს, უწევს მოუსმინოს და შეძლებისდაგვარად მოინელოს კიდეც ათასგვარი გადაკრული გამონათქვამ-გამონახტომი „შპარგალკებისა“ და სავალდებულო კონსულტაციების შესახებ. აი, ასე იწყება ქალის ცხოვრება ჩვენს მზიურ სამშობლოში.

მერე პატარა გოგონა გაიზრდება და აღმოაჩენს, რომ მისი ძამიკო არამარტო კუნთებით არის მასზე მაგარი, არამედ – მშობლების უპირობო მხარდაჭერითაც. მაგალითად, დედ-მამა მას ანიჭებს უპირატესობას, როცა საქმე სასურველი პროფესიის შეძენას ეხება – მთავარია, ბიჭმა ისწავლოს, თორემ გოგო გათხოვდება და პატრონს იშოვის. გოგონას მიმართ მეტ სიმკაცრეს იჩენენ – სანამ პატრონს ჩაბარდება, რამე “ისეთი” არ ჩაიდინოს და ა.შ.
მომავალ ქალში თანდათანობით ყალიბდება და ძლიერდება არასრულფასოვნების კომპლექსი, რომელიც პატრონზე (ჯერ მამასა და ძმაზე, ხოლო შემდეგ – ქმარზე) დამოკიდებულებაში ვლინდება.

გარდა ამისა, არავისთვისაა საიდუმლო, რომ ოჯახური მემკვიდრეობა, ყოველგვარი სამართლიანობისა და სამოქალაქო კოდექსის გვერდის ავლით, შთამომავლობაზე სქესობრივი ნიშნით გადადის. უფრო კონკრეტულად, ოჯახის ძირითადი ქონება მთლიანად ვაჟის საკუთრებად ითვლება და ქალი – ამასთან შედარებით, უმნიშვნელო მზითვით ან სულაც მის გარეშე – სამუდამოდ იდევნება ოჯახური კერიდან.

ვაზვიადებ? სულაც არა. მიმოიხედეთ გარშემო. რამდენ ქალს იცნობთ, ვინც აუტანელ ოჯახურ ყოფას მხოლოდ იმიტომ ეგუება, რომ, ქმართან გაყრის შემთხვევაში, წასასვლელი არსად აქვს და თუკი ასეთი რამ მაინც გაბედა, ბავშვებთან ერთად ქუჩაში აღმოჩნდება – აბა, ძმას და რძალს ხომ არ მიადგება სახლში და რომც მიადგეს, ვინ მიიღებს?

მოდი, თავს ნუ დავიმშვიდებთ იმით, რომ ყოველთვის ასე არ ხდება. ღმერთმა დაგვიფაროს, ჩემო ძვირფასებო. რა თქმა უნდა, ყოველთვის არსებობდნენ და იარსებებენ ღირსეული გამონაკლისები, თუმცა, საზოგადოების უფრო აქტიური პოზიციის უქონლობის შემთხვევაში, ძალიან მეეჭვება, გამონაკლისი ნორმად იქცეს. თქვენ როგორ ფიქრობთ?

56 კომენტარი to this post
  1. ძალიან მომწონს წერის მანერა და ლექსიკა, შენი სტატიებს კითხვას რომ ვიწყებ, თვალს ვერ ვაცილებ ხოლმე :) ეს ის პრობლემებია, რაზეც ხშირად ლაპარაკობს ხალხი, ბევრიც გმობს მსგავს"ტრადიციებს", თუმცა ძირითადი მასის მენტალიტეტი იგივე რჩება და რა ეშველება, არ ვიცი, მე პირადად გამოსავალს ვერ ვხედავ, თაობებს ზრდიან მაგ გაგებით და ყველაფრის შეცვლას დიდი დრო და ძალისხმევა დასჭირდება, საერთოდ თუ შეიცვალა ოდესმე :(

  2. დიდი მადლობა, ალექსანდრა, ჩემი შრომის დაფასებისთვის :*
    რაც შეეხება ტრადიციებს, ოდესღაც ისინიც ვიღაცამ მოიგონა და დაამკვიდრა.
    რაც არ მოგვწონს, იმის გამოსასწორებლად ძალისხმევა არ უნდა დავზოგოთ.
    მიხარია, რომ, როგორც იქნა, ვიპოვე მედია საშუალება, ქალებისთვის საინტერესო ნებისმიერ თემაზე რომ თავისუფლად ისაუბრებ. ყველაფერი აქედან იწყება – ხომ გახსოვს: "პირველად იყო სიტყვა…" :)

  3. იმაში არ გეთანხმები რომ ბიჭის განათლებაზე უფრო ზრუნავენ..ჩემ ოჯახში ზუსტად ეგრეა მარტო განათლების გამოკლები,იმიტომ რომ ჩემ მშობლებს იმედი აქვთ რომ მე ჩავაბარებ და ზუსტად იციან რომ ჩემი ძმა ვერა ))

  4. ძალიან საინტერესო სტატიაა, მართლაც რომ სიმართლეს სეესაბამება!ერთია, რომ ეს ამოჩემება ,რომ გინდა თუ არა ბიჭი იყოს ოჯახში,მარტო ჩვენთან არ არის ასე, ამის ყველაზე მტკივნეული მაგალითი ჩინეთია, რომელიც საკმაოდ დიდ პრობლემებს წააწყდება რამოდენიმე ატეულ წელიწადში, რადგან ძირითადად სულ ბიჭების ყოლის სურვილი ავს მოსახლეობას(რადგან მარტო ერთი ბავშვის გაჩენის უფლება აქვთ). აი ქონების გადანაწილება მართლაც რომ ძალიან უსამართლოდ გვაქვს!ამის ტაობაზე სხვაგან როგორ არის ,არ ვიცი.
    მე თვითონ ერთი გოგო მყავს და არანაირი პრობლემა იმასთან დაკავშირებით, რომ ბიჭი არ მყავს,არ მაქვს, ერთია, რომჯ მე თვითონ მინდოდა ,რომ ბიჭიც გამეზარდა,მაგრრამ ისე აეწყო, რომ მეორე ბავშვე აღარ ვიფიქქრეთ :)

  5. არანაირი პრობლემა არ მაქვსო, ალბათ, მეუღლის რეაქციას გულისხმობ. ძალიან სასიამოვნოა. ხომ ვთქვი, ნორმალური გამონაკლისებიც არსებობენ-მეთქი :) მაგრამ ბიჭიც რომ გყოლოდა, შენი გოგო მაინც ტრადიციულ სქემაში აღმოჩნდებოდა და არავინ იფიქრებდა, რომ უსამართლოდ ექცევა :).

    ჩინელებს რაც შეეხება, არა მგონია, დემოგრაფიულმა პრობლემამ ძალიან დააზარალოს :) ჩვენ ჩვენი ვიკითხოთ…

  6. Ketevan Gogiashvili კი, მეუღლედან გამომდინარეა ასე,ჩემ ოჯახშიც იგივე სიტუაცია იყო–მამაჩემს ორი გოგო ვყავდით,მაგრამ უბედნიერესი მამა იყო!ჩემ გარშემო ბევრია ასეთი ოჯახებიც,თუმცა არის ისეთი ოჯახებიც,მართლა რომ მხოლოდ ბიჭს აღიარებენ შვილად და ეს ძალიან მღიზანებს.
    უფ, ჩინელებზე არც მე ვდარდობ,ეს ისე, სედარებისთვის მოივიყვანე მაგალითად

  7. ეგ, უბრალოდ, კერძო შემთხვევაა :) პროვოკაციული შეკითხვა: ერთნაირები რომ იყოთ და ფინანსები ორივეს განათლებას ვერ წვდებოდეს, მაშინ? :)

  8. Ketevan Gogiashvili მაშინ არვიცი..ფინანსები ჩემ ოჯახში მაინც დედიკოს ეხება და ალბათ მაინც მეე.. )) აუ ეს პასუხი მაინც იქიდან გამომდინარეობს რომ ჩემი ძმა ჩემნაიირი ვერ წარმომიდგენია :დ

  9. Ke Tu Si იმაში გეთანხმები, რომ ეს პრობლემა ყველა ერს უდგას და მასკულინური კულტურის "დამსახურებაა". რას იზამ, მივეჩვიეთ…

  10. Ketevan Gogiashvili არა კაცო,ჩემი ძმა გენიოსია,სახლში აღმერთებენ იმიტომ რომ ხატავს და მაგ მხრივ ნამდვილად აქვთ მაგის იმედი ))უბრალოდ სკოლაში არაფერს აკეთებს ))

  11. აგერ, ახლახან შემომაშველეს ქართული "სიბრძნე" – ანდაზები გვქონია ასეთი: "უშვილობას ქალის ყოლა სჯობიაო" და "არარაობაში ქალიც შვილიაო". აღარ ვიცი, რომელი სმაილი დავხატო: :) თუ :( ?

  12. გეთანხმები 1000000000%-ით… უბედურებაა დაჩაგრულ-დაბეჩავებულ "ქალებს" რომ "უზრდიან" "სამშობლოს" "მშობლები" :/

  13. როგორ გამახარე, De Vi … ბედნიერებაა, როცა არსებობენ მამაკაცები, რომლებიც ასე აზროვნებენ და არც თავისი აზრის თავისუფლად გამოთქმას ერიდებიან :)

  14. mec dzma myavs magram arasodes migrdzvnia misis upirqtesoba chems ojaxshi .tanabari uflebebit vsargeblobt da piriqit mamisgan dzalian didi siyvaruls da yuradgebas vgrdznob iseve rogorc dedisagan.tumca saqartveloshi bichis fenomeni yoveltvis iarsebebs: )

  15. შვილი იმიტომ უნდა მყავდეს, რომ მის კეთილდღეობაზე ვიზრუნო. რა მნიშვნელობა აქვს ბიჭია თუ გოგო. მე შევეცდები კარგი დედა ვიყო, იმედი მაქვს ისინიც კარგი შვილები იქნებიან. რაც შეეხება მოვლას, არანაირი სურვილი არ მაქვს ვინმეს მოსავლელი გავხდე და ვერც მოვთხოვ ვერავის

  16. statiaze vitkodi araushavs!! tshemi azrit roca saxelmcifoshi gajirvebaa, sheiaragebuli konfliktebi, sadac samartlis imedi ar aakvs adamians, an dakonservebul diktaturashi cxovrobs( mainc da mainc sakartvelos ar vgulisxmob , met naklebad kvela kvekanas sheexeba) cinaplanze gadmoinacvlebs dzaladoba, garkveuli tradiciebi(rac rodesgac sheidzleba sheesabameboda cxovrebis stils) tavis gemoze morgebas!! da sadac dzaladobaa ik mamakaci cina planze gamodis ignorirebs sustis uflebebs da privilegias tavisas akenebs) exla sakartvelo vtkvat aris organizacia (an tundac saxelmcifo kanoni) rom martoxela kals uzrunvelkofs vtkvat 500 larit , sacxovrebeli adgilit vtkvat 1 sulze 30kvadratit,(rac ufro meti shvili kvadratoba gaizrdeba) da da daicvas fizikuri angarishscorebisgan!! sanam es pirobebi ar ekneba kals misi uflebebi mudam dgevandel dgeshi ikneba!!

  17. გმადლობთ, იკა. მიხარია, ჩვენს ჟურნალს მამაკაცებიც რომ კითხულობენ :). თქვენი კომენტარის პასუხად კი გეტყვით, რომ გაჭირვება, კონფლიქტები, პოლიტიკური და ა.შ. პრობლემები (რაც თავისთავად კიდევ უფრო ამძიმებს თითოეული ადამიანის პიროვნულ ხვედრს, სქესისგან დამოუკიდებლად) არაფრით ამართლებს ძალადობას და უსამართლობას, რომელიც შეგნების დეფიციტითაა გამოწვეული. ჩემი აზრით, დამახინჯებული მენტალური წარმოდგენები გაცილებით დიდი პრობლემაა, ვიდრე ყველა სოციალური, პოლიტიკური და ეკონომიკური პრობლემა ერთად აღებული. არა მგონია, თქვენ სხვანაირად ფიქრობდეთ.

  18. imat visac am mentalitetis sjerat es is xalxia vinc dinebas mihkveba da da arc fikroben amit ra shavdeba!! erti tshemi megobris 57 clis kacis azrs getkvi!! : tshven vart dakodili taoba , dedatshemi da mamatshemi sul imas tshamdzaxodnen ojaxshi iseti kali unda moikvano iseti unda ikos aseti unda ikoso(kartuli patiosani kalis standartebi tshamotvala) da ara da ar mizidavda egeti kalebi!! tshem cxovrebashi arisebobdnen kalebi romlebic arasdros damavickdeba is grdznoba is silamaze magram standartebshi ar jdebodnen da mattan ar davrtshi!! rasac sul shav lakad vatareb!! ai ase mitxra im kacma erti ertze roca vikavit,ara da sufraze kargi msmelia ,tradiciebis mcveli da makebari!!! da bolos daakola mixaria rom axali taoba( sheni ara me mitxra tkven kidev tshvennair tshaobshi xrt tshartshenili) ufro tavisufalia kalic da kacico da isini irtsheven imas rac martla surt !! dzaladoba atshlungebs tavisuflebas (kovelshemtxvevashi cdilobs) da im asakovan kacshi me davinaxe rom tavisufleba iko tshaketili!! da es tvirtad acveba ara marto kals aramed kacsac!!( da saertod adamians!!)
    P.S. evropashi kerdzod holandia ,avstria, germania ,shevicaria ….(da seidzleba sxvaganac).jer ar muxceviat srul tanascorobas !! shedarebistvis kali sakartveloshi ( -11 )( -3)

  19. Ketevan Gogiashvili zustadac rom problema elit tan dzalian didi(martalia xshirad gavigonet mshoblebma shvilebi mosavlelad ar und agaatshinono magram ,moxucebuls vigacam xom unda mouaros??? tu 10 mshoblidan 6 bavshvi gatshndeba ramdenis rtshenas shedzlebs es 6 bavshvi ??? da mere nulebi kidev miumatet!!

  20. Ika Loko სრული თანასწორობა, ჩემი აზრით, საერთოდაც მიუღწეეველი რაღაცაა, მაგრამ პიროვნული არჩევანი ხომ ჩვენს ხელშია. თუ თავისუფლად მხოლოდ მაშინ ვიაზროვნებთ, როცა ამის ნებას დაგვრთავენ, ეს რაღა თავისუფლებაა?! )) სტანდარტული, ნორმალური და თუნდაც ტრადიციული ყოველთვის საუკეთესოს რომ არ ნიშნავს, თქვენი მეგობრის შემთხვევაც აჩვენებს.

  21. როცა მეორე გოგონა გაგვიჩნდა, ერთმა ქალმა ჩემს ქმარს "მიულოცა": არა უშავს, გოგოც (!) კარგია, მესამე ბიჭი იქნებაო (გამომიწერა :(() ჰოდა, კარგადაც მიალანძღა ბედნიერმა მამამ :) რომ დავფიქრდი, ქალები უფრო მეუბნებიან ამ იდიოტურ ფრაზას, ვიდრე კაცები… არასდროს მიოცნებია რომელიმე სქესზე,ვგრძნობდი რომ გოგო იქნებოდა და ასეც მოხდა, ძალიან ბედნიერი ვარ ამით და არაფერს შევცვლიდი აბსოლუტურად :))

  22. ქვეყანას მირშევნია შემი ორი ქალიშვილი მაგრამ ქართულ რეილობაში მართლაც ასეა

  23. es paqtic minaxavs da msmenia magram meore varianti upro xshiria chems garshemo adamianebshi.. piriqit gogoze rom gijdebian..sidzeebze apanateben .. saertod ar mesmis ra ubedurebaa sqesi..shvili shvilia.ra mnishvneli gogoa tu bichi

  24. ძალიან , ვაფასებ შენაი ადამიანებს მაიკო .გუშინ ოფისიდან გამოვედით თანამშრომლები დ ა საკმაოდ გავასწარი . ია შოსიასვილი მეძახის რაიყო ლამარა დეიდა , გეჩქარებაო.გამეღიმა დაველოდე და უთხარი რა ფორმულებსაც ვსვამდე.ასე რომ მიუხედავად იმისა ძალიან კარგი შვილები მყავს არმინდა მოსავლელი გავხდე.

  25. ჭეშმარიტებისგან არც თუ ისე შორს არის, მეც ეგეთი განცდა მაქვს საქართველოში ამ საკითხთან დაკავშირებით მიდგომაზე, ქალი უფრო არასახარბიელო სიტუაციაში გამოდის

  26. ვფიქრობ, საზოგადოებას (განსაკუთრებით მამაკაცებს) მნიშვნელოვანი მენტალური პრობლემები აქვს. არ მინდა, მაგრამ რა ვქნა, არ შემიძლია არ ვთქვა, რომ სერიოზულად ვართ ავად. ასეთი შეხედულებიდან იღებს სათავეს ბევრი უბედურება ქვეყნის მასშტაბით.

  27. me piradad sami qalishvilis deda gavxdi, ufrosi 5 wlis mayvs da shemdeg tyupi gogoebi shemezina-clis da otxi tvis arian. roca pirvelze gavige ro gogo ari dedamtilma mitxra me gogo ar mondodao, zalian cudad damrcha gulshi da ar vici magito tu martlac egrea chemi shvilebi radgan gogoebi arian ar uyvars. es dedis tvals da guls ar gamoepareba damijeret. upiratesobas chems mazlishvilebs -isini bichebia orive imat anichebs.

  28. საინტერესო იყო ძალიან, და რაც მთავარია კარგად არის დაწერილი.. საინტერესო და კარგად დამუშავებული სტატიაა..

  29. მე ერთი მყავს და თან გოგონა. ძალიან ბედნიერივარ ღმერტმა გოგონა რომ მომცა. ოჯახშიც არასდროს არაფერი თქმულა ბიჭთან მიმართებაში. სიბერეში ბიჭების პატრონებს რატომღაც გოგონების იმედი აქვთ. მანამდე უნდა იფიქრონ ამაზე და ქალიშვილებს გული არ ატკინონ.

  30. მოგესალმებით …მადლობა ასეთი კარგი,ენერგიული,საინტერესო,მრავალფეროვანი,განათლებული ,განვითარებული…და ქართული მართლწერით გამართული საიტისთვის ;)
    თემიდან გამომდინარე ერთს გეტყვით, ჩემმა ბრძენმა 90 წლის ბაბუამ იცოდა თქმა როცა საკითხი ამ თმას ეხებოდა–,,შვილი გამოდგომაზეა ბაბუ თორე ბიჭი გყავს თუ გოგო მნიშნელობა არ ააქვსო''

  31. “საწყალი” მამაჩემი, სამი ქალიშვილი ჰყავს:) ჩემს ოჯახში ეს “გართულება” ბებიას ჰქონდა, რომელსაც სამი ვაჟი ჰყავდა და შვიდი შვილიშვილისაგან, მხოლოდ ერთი “გამოერია” ვაჟი, თუმცა მამაჩემი ძალიან ბედნიერია იმით, რომ სამი ქალიშვილი და მომავალი დედა გაუზარდა მის გვარს. ეს ისე, თორემ მართლაც სამწუხაროდ ქალის დაბადება მგონი ყველაზე მეტად ამ ქვეყანაში არ უხარიათ. მე მგონი ადამიანი მთავარია ჯნმრთელი იყოს, თორემ ის, რომ ქონება ვის დარჩება, მეორე ხარისხოვანი უნდა იყოს. რა ვაჟის მიერ განიავებული ქონება ცოტაა ამ ქვეყნად?

  32. ძალიან კარგი სტატიაა. სიმართლე რომ ვთქვა, არ მეგონა სიტუაცია ასე მძიმე თუ იყო ,ჩემს ოჯახში არანაირი უპირატესობა არ ენიჭება მამრობით სქესს :D , და ასეც რომ არ იყოს ,არავის მივცემ უფელბას ჩემი სახლს დაეპატრონოს ,მითუმეტეს რძალი. :D ვინმემ შეიძლება იფიქროს რომ არ ვმსჯელობ სწორად, მაგრამ ასეა. მამაჩემის მხრიდან ყოველთვის დიდ მხარდაჭერას ვგრძნობი, არ ვიცი ასე უდნა იყოს თუ არა, მაგრამ ჩემს უზრუნველყოფილ ცხოვრებაზე და განათლებაზე უფრო მეტს ლაპარაკობს და აკეთებს. რა თქმა უდნა ჩემ ძმასაც არაფერს აკლებს, ამგრამ ჩემზე წი არასოდეს დაუყენებია. აქამდე ვფიქრობდი იქნებ ასე არ უდნა იყოს მეთქი, მაგრამ ამ სტატიის წაკითხვის შემდეგ დავრწმუნდი რომ ბევრი ქალი იჩაგრება და ეს დაუშვებელია. ბევრმა უნდა წაიკითხოს ეს და გაიაზროს რა ხდება ქვეყანაში.

  33. არ ვიცი მე ვერ დაგეთანხმებით, მეც გოგო ვარ და ძმაც მყავს, თუმცა როცა გავთხოვდი დედაც და ძმაც თან გადამყვნენ (მამა არ მყავს) ყველაფერი ინდივიდუალურია რა, ღმერთმა არ ქნას და მე რომ ოჯახი დამენგრეს ზუსტად ვიცი რომ წასასვლელი მაქვს. მეც მალე ბიჭის დედა გავხდები რათქმაუნდა ძალიან ბედნიერი ვარ თუმცა ჩემს მეუღლეს გულით უნდოდა გოგო :))))
    p.s. სტატაია ძალიან საინტერესოა :))

  34. საინტერესეო სტატიაა… საზოგადოების 75% ასე ფიქრობს მართალია.. რაც ძალიან სამწუხაროა :/ მე არაფერი გამკვირვებია იმიტომ რომ მეც გამიგია ასეთი რამ. პაპაჩემს კითხეს ერთხელ რამდენი შვილი გყავსო და 4 შვილიო ასე უპასუხა და ორიც გოგოო :/ შვილიშვილებზეც იგივე იყო… თუმცა მიუხედავად ამისა მამაჩემი ცოტა სხვანაირად ფიქრობდა და სხვანაირად გაგვზარდა მე და ჩემი და–ძმა. თავისი დების განათლებაზეც იზრუნა… და ჩვენზეც, მაგრამ საბოლოოდ მაინც ბიჭისკენ იხრება :) რის გამოც ჩემგან ყოველ დღე იღებს საყვედურს. არ ვასვენებ და არც მოვასვენებ. ჩემს აზროვნებაზე მაინც ვერ და არ იქონია გავლენა და მაგაზეც მადლობელი ვარ. ვარ ისეთი როგორიც ვარ. დამოუკიდებელი და შეძლებისდაგვარად რეალიზებული.

  35. მე შვიდი შვილი მყავს,შვიდივე გოგო. ამ სტატიის წაკითხვის შემდეგ ავღელდი რადგან გამახსენდა ,თუ როგორ დაგვცინოდნენ ყოველი მშობიარობის შემდეგ.ღვთის წყალობით კარგი მეუღლე მყავს და შვილებიც კარგები დავზარდეთ.საერთოდ არც იგრძნობა ჩვენს ოჯახში ბიჭის “დეფიციტი”.დამოუკიდებელნიი , შრომისმოყვარენი .განათლებულები.მეგობრულები,მოსიყვარულენი –აი ასეთები დაიზარდნენ ჩვენი გოგოები.ახლა ყველას უკვირს და აღარ “ეცინებათ”…..მადლობა სტატიისათვის.

შენ რას იტყვი?