სულ რამდენიმე საათია, ვებ-სივრცეში ეს ფრიად საინტერესო ვიდეო გავრცელდა. თუ თქვენ ჯერ კიდევ არ გინახავთ, კარგად დაჯექით, გული გაიმაგრეთ, რაიმეს მყარად მოეჭიდეთ და მხოლოდ ამის შემდეგ ჩართეთ ფლეიერი:

https://www.youtube.com/watch?v=CfUGMSve030

დიახ, ნამდვილად სწორად გაიგეთ და დაინახეთ. ჩვენ ის ქვეყანა ვართ, სადაც ქალებს გამორჩეულ პატივს სცემენ, ქუჩაში გზას უთმობენ, ავტომობილის კარს უღებენ, ჩანთების ტარებაში ეხმარებიან და სახლამდე ქვეტექსტების გარეშე აცილებენ. სიტუაცია არ გეცნოთ? რა თქმა უნდა, ეს სიტყვები ხომ მხოლოდ მითია! სრულიად მოსალოდნელად აღმოჩნდა, რომ ჩვენ მხოლოდ “კუხნის” თაროზე შემოდებული დოლი ვართ, რომელსაც როცა უნდათ, მაშინ უტყაპუნებენ პირდაპირ ეთერში! 

ტელეგადაცემამ, რომელიც არც მეტი, არც ნაკლები, ერთ-ერთმა უმსხვილესმა გასართობმა ტელეარხმა სრულად უდარდელად გაავრცელა, ჯერჯერობით მხოლოდ facebook-ის მომხმარებლების უკმაყოფილება გამოიწვია. ბუნდოვანია, აქვთ თუ არა ვიდეოში მონაწილე მამრების უმრავლესობას სინდისისა და სირცხვილის გრძნობა, მაგრამ გაცილებით გულდასაწყვეტი 2 გოგონა და მათი “ფასდაუდებელი” უკანალებია. ისინი ჩვენს ქვეყანაში მცხოვრები თითოეული ქალისათვის სახეში სილის გაწვნა აღმოჩნდა და სხვა არაფერი! საინტერესოა, რა ღირს ტელეკომპანია ჯი-დი-ესის ეთერში გატარებული თითო ასეთი საათი?

ჩვენი რედკოლეგია ჩვენი მკითხველების სახელით ოფიციალურად მოითხოვს ბოდიშის მოხდას თითოეული მდედრი მაცხოვრებლისთვის ტელეკომპანია GDS-ისა და ვიდეოში მონაწილე მამრების მხრიდან.

ასეთი სამარცხვინო ფაქტი ნამდვილად არ უნდა დარჩეს უყურადღებოდ. შემოგვიერთდით!