Home სტილი

წარმოგიდგენთ 2013 წლის მოდურ ტენდენციებს. კაბები და ქვედაბოლოები ზაფხულის განუყოფელი და ყველაზე აქტუალური სამოსია. დარწმუნებული ვარ, საინტერესო იქნება თუ როგორ მოდელებს, ფერებს და ფორმებს გვთავაზობენ წამყვანი მოდის სახლები და დიზაინერები.

1. ფენები და ასიმეტრია

ეს ტენდენცია წინა სეზონის მსგავსად, ამ ზაფხულის ჰიტიცაა. დამახასიათებელი მაჩვენებლები: არათანაბრად აჭრილი ქსოვილები, ე.წ. “თევზის კუდი”, ავანგარდული შტრიხები, რამდენიმე ფენა ერთ ქვედაბოლოზე.

2. ფანქარი

ამ სტილის ქვედაბოლო მოდის და ტენდენციების ცვალებადობის მიუხედავად, მუდამ რჩება ნამდვილი ქალბატონების გარდერობის განუყოფელ ნაწილად. ქალს, რომელსაც მსგავსი ტიპის ერთი მოდელი მაინც აქვს, შეუძლია მშვენივრად გამოიყურებოდეს: ოფისში, წვეულებაზე ან თუნდაც ყოველდღიურ ცხოვრებაში.

3. გრძელი კაბები

ასევე მოდის ერთ-ერთი ტენდენცია კოჭებამდე გრძელი კაბები და ქვედაბოლოებია. მინდა მოგახსენოთ, რომ მსგავსი სტილის კაბები ყველანაირი აღნაგობის ადამიანს უხდება.  ასე რომ გოგონებო, ეს ტენდენცია ნამდვილად ყურადღების ღირსია.

4. კაბა-შარვალი

ჩემი საყვარელი სტილი: კაბის და შარვლის კომბინაცია. მოხერხებული, კომფორტული, პრაქტიკული და მართლაც რომ გემრიელი ჩასაცმელია კაბა-შარვალი. წელს კი მოდურ ტენდენციადაც შეინიშნება. როგორც ფოტოზე ხედავთ, წამყვანმა დიზაინერებმა სპეციალურად 2013 წლის კოლექციებისთვის შექმნეს კაბა-შარვლების თანამედროვე, მოდური და დახვეწილი მოდელები.

5. ტყავის ქვედაბოლო

ჩემდა გასაკვირად გაზაფხული-ზაფხულის ერთ-ერთ ტენდენციად ტყავის ნაჭერი მოგვევლინა სამოსში, თუმცაღა ამ ფოტოების გადათვალიერების შემდეგ ეჭვს ვერ შეიტანთ – ლამაზია. კომფორტულის რა მოგახსენოთ. ზაფხულის სიცხის გადატანა ტილოს ან აბრეშუმის ნაჭერში მირჩევნია.

მოდური კაბები გაზაფხული-ზაფხული 2013 კოლექციებიდან

პოპულარულ ტენდენციებთან ერთად ასევე აქტუალურია: მაქმანები, მოკლე და ჯინსის ქვედაბოლოები. ამ კოლაჟში ზოგადად 2013 წლის გაზაფხული-ზაფხულის სხვადასხვა ჩვენებებიდან ამოკრეფილი ფოტოებია წარმოდგენილი.

3 კომენტარი to this post

შენ რას იტყვი?