შენი პირველი ღამე

• Tweet
• Pin It

რა არის ქალწულობა?

ქალწულობა ქალის ფიზიკური მდგომარეობაა დეფლორაციამდე (ქალწულობის დაკარგვამდე). სხვა სიტყვებით რომ ვთქვათ, ქალწულად ითვლება ადამიანი, რომელსაც არასოდეს მიუღია მონაწილეობა სექსუალურ აქტში პენეტრაციით (შეღწევით).

ზოგიერთ კულტურაში ქალწულობა ითვლება სიწმინდის და ღირსების სიმბოლოდ, თუმცა ამჯერად არ მინდა ქალწულობის ღირებულებებზე და მნიშვნელოვნებაზე გესაუბრო. ყველა ჩვენთაგანისთვის ადრე თუ გვიან დგება ის მომენტი, როცა “იმ ერთ” ადამიანს შევხვდებით, ვინც ჩვენი პირველი მამაკაცი გახდება. ჩემი მიზანია, მოგიყვე პირველი ღამის შესახებ და ვუპასუხო შენს კითხვებს.

მაშ ასე!

ქალებში ქალწულობა გამოიხატება ქსოვილის (სპეც. აპკის) (Hymen) არსებობით, რომელიც გარს ეკვრის და ნაწილობრივ ფარავს ვაგინალურ ხვრელს. გარსმა, რომელსაც ხშირად “საქალწულე აპკს” უწოდებენ, ასაკის მატებასთან ერთად, შესაძლოა ზომაში მოიმატოს. თუმცა, მხოლოდ აპკის არსებობა არ არის ქალწულობის საკმარისი პირობა. იშვიათ შემთხვევებში, ფიქსირდება ანატომიური ანომალიები, როგორიცაა:

იმპერფორატული აპკი (Imperforate hymen) – ნორმალური აპკი ვაგინალურ ხვრელს მხოლოდ ნაწილობრივ ხურავს, თუმცა არის ღია ადგილები, საიდანაც მენსტრუალური სისხლის გამოყოფა ხდება. იმპერფორატული აპკის შემთხვევაში კი აპკი მთლიანად ფარავს ვაგინალურ ხვრელს, რაც პრობლემებს იწვევს და საჭირო ხდება ქირურგიული ჩარევა.

მიკროპერფორატული აპკი – აპკი გარეგნულად იმპერფორატული (დახურული) ჩანს, თუმცა შეუმჩნეველი, მცირე ზომის ნახვრეტები აქვს.

სეპტატური აპკი – აპკზე დამატებითი ვერტიკალური გარსების არსებობა. სეპტატური აპკი ძალიან იშვიათია და 2000-დან მხოლოდ 1 შემთხვევაში ფიქსირდება.

ახლა, კონკრეტულად დეფლორაციის პროცესზე გადავიდეთ და განვიხილოთ აპკის ტიპის მიხედვით დეფლორაციის შეგრძნებები და ზომები, რომელიც შეგიძლია მიიღო ზედმეტი ტკივილის და უსიამოვნო შეგრძნებების შესამცირებლად.

აპკის ტიპი და სისქე არაერთგვაროვანი და ინდივიდუალურია. მაგალითად, მძიმეწონიან ქალებში აპკი ხშირად ღრმად არის მოთავსებული ვაგინალურ ხვრელში. დეფლორაციის შეგრძნებები დამოკიდებულია აპკის სისქეზე, მის მდებარეობაზე, ტიპზე და ხვრელების განლაგებაზე.

კერძოდ, თუ აპკი თხელია, ხვრელი კი საკმარისად დიდი ზომისაა, პენეტრაციას ნაკლები ტკივილი და სისხლდენა მოსდევს. ასევე, დასაშვებია სისხლდენის არარსებობა, როცა პენისი მცირე ზომისაა და პენეტრაციისას ადვილად თავსდება აპკის ხვრელში. არსებობს შემთხვევები, როცა აპკი ელასტიურია და პენეტრაციისას არ ირღვევა, ან ირღვევა მხოლოდ ნაწილობრივ. ამ შემთხვევაში სისხლის ოდენობა უმნიშვნელოა ან სისხლდენა არ ფიქსირდება.

“ელასტიური აპკი” (Elastic hymen) საკმაოდ იშვიათია და ქალების მხოლოდ 11%-ში ფიქსირდება.

ახლა განვიხილოთ მითები, რომელიც საზოგადოებიაშია გავრცელებული აღნიშნულ საკითხთან დაკავშირებით.

მითი 1. ქალწულობის დაკარგვას აუცილებლად მოსდევს სისხლდენა. სისხლის არარსებობა ნიშნავს, რომ ქალისთვის ეს აქტი არ იყო პირველი.

რეალობა: სისხლდენის სიძლიერე დამოკიდებულია მრავალ ფაქტორზე, მათ შორის აპკის სისქეზე. არსებობს შემთხვევები, როცა სისხლდენა ძალიან ძლიერია, თუმცა ზოგიერთ შემთხვევაში სისხლდენა შეუმჩნეველია. ასევე, ელასტიური აპკის არსებობისას, პირველი სექსუალური აქტის შედეგად, უმეტეს შემთხვევაში სისხლდენა არ ფიქსირდება. ელასტიური აპკი პენეტრაციისას შესაძლოა მცირედ დაზიანდეს, ან მშობიარობამდე დაუზიანებელი დარჩეს. აქედან გამომდინარე, დეფლორაციისას სისხლდენის არარსებობა არ გამორიცხავს ქალწულობას და აპკის დაუზიანებლობა (ელასტიური აპკის შემთხვევაში) არ ნიშნავს ქალწულობას (წარსულში სქესობრივი აქტის არქონას). აპკის მდგომარეობის დადგენა შეუძლია მხოლოდ პროფესიონალს ვიზუალური დათვალიერებით. ამასთან, გინეკოლოგებს ეკრძალებათ აპკის მდგომარეობის შესახებ წერილობითი ცნობების გაცემა.

მითი 2. აპკის გარღვევა მხოლოდ პენეტრაციითაა შესაძლებელი.

რეალობა: ადრეულ ასაკში სპორტულად აქტიურ გოგონებს შესაძლოა აპკი დაუზიანდეთ სპორტული აქტივობის შედეგად, განსაკუთრებით ეს ეხება ველოსპორტით, ცხენზე ჯირითით, აკრობატიკით დაკავებულ გოგონებში.

მითი 3: დეფლორაციისას გამორიცხულია დაფეხმძიმება, შესაბამისად არ არის აუცილებელი თავდაცვა.

რეალობა: პირველი აქტის დროსაც, ისევე როგორც შემდგომში, კონტრაცეპტივების გამოყენება აუცილებელია.

გამოიყენე კონდომი, თუმცა თუ ალერგიული ხარ, გაითვალისწინე ისიც, თუ რა მასალისგან დამზადებულ კონდომს მოიხმარს შენი პარტნიორი.

მითი 4: მასტურბაციის შედეგად აპკი აუცილებლად ზიანდება.

რეალობა: მასტურბირება საშუალებას გვაძლევს უკეთ გავიცნოთ საკუთარი სხეული, გავიგოთ რა მოგვწონს, რათა მომავალში პარტნიორს კარგად ავუხსნათ რა გვსიამოვნებს და რა – არა. როგორც ვუდი ალენმა თქვა “მასტურბაცია არის სექსი მასთან, ვინც გიყვარს”. გიყვარდეს საკუთარი თავი. ამაში ცუდი არაფერია.

მითი 5: დეფლორაციის დროს ორგაზმის განცდა შეუძლებელია.

რეალობა: დეფლორაციის დროს ორგაზმის განცდა აბსოლუტურად შესაძლებელია, თუმცა იშვიათი. პირველი სექსის დროს შექმნილი განწყობა, ნერვიულობა, გამოუცდელობა ხშირად აფერხებს ქალის სიამოვნებას. თუმცა, ორგაზმის განცდა გარკვეულ შემთხვევებში არ გამოირიცხება.

და ბოლოს, ბონუსად რამდენიმე რჩევა შენი პირველი ღამისთვის.

აუცილებლად მოიმარაგე:

დამატებითი (კომფორტული) საცვალი, კონდომი (ყოველი შემთხვევისთვის), ლუბრიკანტი (პენეტრაციის გაადვილებისთვის) და ჰიგიენური ხელსახოცები.
სანამ პროცესზე გადახვალთ, შეეცადე მაქსიმალურად დამშვიდდე და მოდუნდე. არ იჩქაროთ, რაც შეიძლება გაახანგრძლივეთ შესავალი (პრელუდია). იყავი აქტიური, ან მიეცი საშუალება პარტნიორს გასიამოვნოს და მოგამზადოს.

ყველაფერი შენზეა დამოკიდებული, არაფერი მოხდება, სანამ შენ მზად არ იქნები. არ არის რეკომენდებული დიდი რაოდენობით ალკოჰოლის მიღება, თუმცა ერთი ჭიქა სითამამისთვის შეიძლება, თან მოდუნებაშიც დაგეხმარება.

რაც შეეხება პოზას, ამ საკითხზე აზრთა სხვადასხვაობა არსებობს. ნაწილი ამბობს, რომ მოსახერხებელია პოზა “ქალი ზემოდან”, რადგან ამ დროს ქალს ყველა მოძრაობის კონტროლი შეუძლია, თუმცა სხვებს ურჩევნიათ პირველად მამაკაცმა აიღოს ხელში მართვის სადავეები. პოზა ფრთხილად შეარჩიე. თუ თავს არაკომფორტულად იგრძნობ, ნებისმიერ მომენტში შეგიძლია შეცვალო. თუ პროცესი შენთვის ძალიან მტკივნეულია, ჩემი რჩევა იქნება ფეხები მაქსიმალურად მაღლა ასწიო და პარტნიორის მხრებზე დააწყო, ეს პოზა პენეტრაციისთვის საკმაოდ მოსახერხებელია, თან “გაქცევის” საშუალებას არ გაძლევს.

სთხოვე პარტნიორს არ იჩქაროს, ესაუბრე, თავისუფლად გამოხატე ემოციები. იმედგაცრუებული ნუ დარჩები, თუ ყველაფერი ისე არ მოხდება, როგორც ფილმებშია. აუცილებლად დაიმახსოვრე, რომ შენი სხეული ყველასგან განსხვავებულია, შესაბამისად, რეაქციების წინასწარ განსაზღვრა შეუძლებელია. ასევე, დაიმახსოვრე, რომ ისიც ნერვიულობს, რადგან ხვდება ეს შენთვის რამდენად მნიშვნელოვანია. მეორე დღეს მოინახულე შენი გინეკოლოგი, რათა შეაფასოს მდგომარეობა და აგიხსნას რამდენ ხანში შეძლებ უმტკივნეულო და უსაფრთხო სექსუალური ცხოვრების გაგრძელებას.

წარმატებებს გისურვებ!

 Loading ...

Copyright © PINK MAGAZINE.

Related Posts

• 

  4 შეკითხვა აბორტის შესახებ [+გამოკითხვა]
  4 შეკითხვა აბორტის შესახებ [+გამოკითხვა]
• 

  რას ამბობს შენი საყვარელი დისნეის პრინცესა შენზე [გამოკითხვა]
  რას ამბობს შენი საყვარელი დისნეის პრინცესა შენზე [გამოკითხვა]
• 

  8 მარტოხელა პრინცესა მთელი მსოფლიოდან
  8 მარტოხელა პრინცესა მთელი მსოფლიოდან
• 

  ვარსკვლავები იდენტური გარეგნობით
  ვარსკვლავები იდენტური გარეგნობით

10 Comments

1. 

   tami

   06/06/12 at 11:18 pm

   ჩემი აზრით მამაკაცი თუ გამოცდილია და ცხოველი და მხეცი არაა რომელიც მარტო თავის სიამოვნებაზე(გათავებაზე) ფიქრობს პირველი სექსუალური აქტიც მშვენიერი და სასიამოვნო იქნება.

   Reply
2. 

   tami

   06/06/12 at 11:19 pm

   ვუდი რა ჯიგარია:) ორაზროვანი ფრაზის ორივე აზრს ვეთანხმები<3

   Reply
3. 

   roadofmyown

   07/17/12 at 11:43 pm

   მე თამის ვეთანხმები :დ

   Reply
4. 

   thenagly

   07/24/12 at 1:01 am

   თამის მეც ვეთანხმები

   Reply
5. 

   ბუსა

   12/04/12 at 1:00 am

   მასტრუბაციისაც აპკი ირღვევა?

   Reply
   • 

     Sweet

     12/10/12 at 1:23 am

     გააჩნია მასტურბაციას. თუ საშოში შესვლა არ ხდება, აპკიც არ დაირღვევა.

     Reply
6. 

   akunkula

   12/06/12 at 6:50 pm

   მშვენიერი და პროდუქტიული სტატიაა. მადლობა ავტორს ^_^

   Reply
7. 

   crazy

   12/11/12 at 4:14 pm

   kai postia

   Reply
8. 

   ლევან

   12/28/12 at 8:08 pm

   ერთი კითხვა მაქვს. ქალიშვილთან არ მქონია სექსი არასოდეს. მომიწია რამოდენიმე დღის წინ. პენეტრაციის დროს მივხვდი რომ რაღაც გასკდა და სისხლიც წამოვიდა მაგრამ შემდეგ ძალიან ეტკინა და შევწვიტეთ აქტი. მეორე დღეს ისევ ვცადეთ სექსი და კიდევ წამოუვიდა სისხლი. პენეტრაცია ბოლომდე არ მოხდა მაგრამ მაინც წამოუვიდა სისხლი.რა ხდება ამ დროს როგორ გავიგო დაირღვა თუ არა აპკი და თუკი ერთხელ წამოუვიდა სისხლი მეორე ჯერზეც რატომ წამოუვიდა სისხლი? ეხლა ეშინია რომ კიდევ განმეორდება მსგავსი ტკივილი და კიდევ წამოუვა სისხლი

   Reply
   • 

     Sweet

     12/29/12 at 10:43 pm

     ასეთი რამ შესაძლებელია, თუ პენეტრაცია ბოლომდე არ მოხდა, შეიძლება კიდევ წამოუვიდეს, მაგრამ რამდენიმე მცდელობის შემდეგ აღარ წამოუვა.
     შეეცადეთ პენეტრაცია ისეთ მომენტში მოხდეს, როდესაც ის კარგად აღგზნებული და დასველებულია. ასეთ შემთხვევაში ტკივილს ნაკლებად იგრძნობს. ეცადე მოადუნო და დაამშვიდო, დაძაბულობა კიდევ უფრო ამძაფრებს ტკივილის შეგრძნებას.

     Reply