8 რამ, რასაც მამაკაცები წამიერად ამჩნევენ

By Sweet on September 4, 2011

გარკვეულ რაღაცებს, მამაკაცები ქალის დანახვისთანავე ამჩნევენ. გარდა ისეთი გარეგნული ნიშან-თვისებებისა, როგორიცაა ფეხების სიგრძე, მკერდის ზომა და უკანალის ფორმა, ქვემოთ ჩამოთვლილია სხვა მსგავსირამეები, რომლებიც ქვეცნობიერ დონეზე ფიქსირდება. გადახედეთ და გაითვალისწინეთ.

1. თმის სისქე

ეს ევოლუციის ამბავია. გამოქვაბულების დროიდან მამაკაცებს ხშირი თმის მქონე მდედრები იზიდავდნენ, რაც ჯანმრთელობის და ნაყოფიერების ნიშანი იყო. ამ შემთხვევაში მოცულობის მიმცემი შამპუნი და კონდიციონერი დაგეხმარება.

2. გულწრფელი ღიმილი

გულწრფელი, არა-ხელოვნური ღიმილისას თვალის კუთხეებში წვრილი ნაოჭები ჩნდება. მამაკაცების უმეტესობას ასეთი ღიმილის ხელოვნურისგან გარჩევა კარგად შეუძლია.

3. თანმხლებთა რაოდენობა

თუ ახალი ბიჭის გაცნობა გინდა, უმჯობესია “ლაშქრით” თუ არ ივლი (მოსვლის მოერიდება), არც მხოლოდ ერთი მეგობარია ოპტიმალური (მარტოს ხომ ვერ დატოვებ?). საუკეთესო რიცხვი – სამია. შენს ორ მეგობარს შეუძლია ერთმანეთი გაართოს, სანამ შენ სიმპათიურ ბიჭს გაესაუბრები.

4. ხმის რეგისტრი

კვლევებმა აჩვენეს, რომ მამაკაცებს შედარებით მაღალი რეგისტრის ხმის მქონეები უფრო იზიდავენ, სავარაუდოდ იმიტომ, რომ სწორედ ასეთი ხმა არის ახალგაზრდობის და რეპროდუქციული სიჯანსაღის ნიშანი (ისევ ევოლუცია!).

5. წელისა და თეძოს გარშემოწერილობა

ესეც კაცობრიობის განვითარების ისტორიას უნდა დავაბრალოთ. მამრები ინსტინქტურად ეძებენ მომავალი შვილების დედას. თუ შენი წელი თეძოსთან შედარებით ბევრად წვრილია, ეს მამაკაცისთვის ნაყოფიერების ნიშანი, შენს სასარგებლოდ კი დიდი პლიუსია. (განიერი ქამარი ასეთ ქვიშის საათის მსგავს ფორმას კიდევ უფრო გამოკვეთს!)

6. კანის ბზინვარება

კაშკაშა სახის ფერს მამაკაცები მენტალურ სიჯანსაღეს მიაწერენ, რადგან სტრესი და დაძაბულობა როგორც წესი მუწუკებს და სახის კანის გაუფერულებას იწვევს. ასე რომ ლოსიონების და ბრონზერების გამოყენება ნამდვილად ღირს, ოღონდ ზომიერების ფარგლებში.

7. ის რაც ხელოვნურია

ამ შემთხვევაში ფიზიკურად ხელოვნურობა იგულისხმება: ხელოვნური წამწამები, დაგრძელებული თმა, მიწებებული ფრჩხილები. ასეთი რამეები მამაკაცებისთვის “მეტისმეტად მოვლილის” შთაბეჭდილებას ტოვებს, რაც არც ისე კარგია.

8. თვალები

ადამიანები თვალებს სხეულის სხვა ნაწილებთან შედარებით ყველაზე დიდ ხანს უყურებენ. თვალის დრამატული მაკიაჟი კიდევ უფრო დაგეხმარება მხედველობითი კონტაქტის დამყარებაში.

Cosmopolitan

About Sweet

ბლოგერი, მარკეტინგის სპეციალისტი, რომანტიკოსი, იდეალისტი, Pink.ge-ს სულისჩამდგმელი. გამომყევით ტვიტერზე: @Sweet

3 Comments

Dream Teller

02/14/12 at 5:55 pm

რა ამბავი ამტყდარა აქ :D ისე ბიჭებო თქვენ ჩამოწერეთ 8 რამ რასაც წამიერად ამჩნევთ პირველი ორი ისედაც გავიგეთ :D

Reply
Lika Lavander

06/15/12 at 10:18 am

ჩემპიონატის პერიოდში ვერაფერსაც ვერ ამჩნევენ :)))

Reply
main

02/19/12 at 9:50 pm

მსგავსის სიმართლე დიდი ხანია არ მომისმენია, გეტანხმები აბსოლიტურად, ხელოვნურობაა წინა პლანზე.

Reply