Don't miss
Home   >   რუბრიკები   >   სილამაზე & ჯანმრთელობა   >   დუკანის დიეტა

დუკანის დიეტა

By on November 4, 2011

სანამ სამეფო ქორწილი შედგებოდა, აგორდა ჭორი, რომ მომავალი პრინცესა და მისი დედა გახდომას ცდილობდნენ და მიმართეს ე.წ. დუკანის დიეტას. (ამბობენ, რომ ჟიეზელმა და ჯენიფერ ლოპესმაც გამოსცადეს ეს დიეტა ).

ეს დიეტა შექმნა ფრანგმა ექიმმა, პიერ დუკანმა. ამბობენ, სწორედ კვების ამ რეჟიმის წყალობით რჩებიან ფრანგი ქალები საოცარ ფორმაში ვარჯიშისა და მკაცრი დიეტების გარეშე.

ახლა კი ვნახოთ რა გვჭირდება იმისათვის, რომ ფორმაში ჩავდგეთ:

ნაბიჯი 1: შეტევის ფაზა

პირველი ნაბიჯი მენიუდან ნახშირწყლების სრული ამოღებაა.

უნდა მივიღოთ რაც შეიძლება მეტი პროტეინი – კვერცხი, თევზი, ხორცი, ზღვის პროდუქტები. დუკანი ამბობს, რომ ეს ძალიან მარტივია, იმიტომ რომ პროტეინი გვანაყრებს და შიმშილის გრძნობა აღარ გვაწუხებს. ეს ფაზა 2–დან 7 დღემდე გრძელდება (დამოკიდებულია რამდენი კილოგრამის დაკლება გსურთ).

ნაბიჯი 2: მგზავრობის ფაზა

ამ ეტაპზე პროტეინები ნაწილობრივ უნდა ჩავანაცვლოთ მწვანე ბოსტნეულით.

არჩევანი თქვენზეა, მიირთვით რომელი ბოსტნეულიც გინდათ და რა რაოდენობითაც გინდათ. მაგრამ აუცილებლად მიიღეთ პროტეინებიც. ამ ფაზაზე იმდენ ხანს გაჩერდით რომ სასურველ წონას მიაღწიოთ.

ნაბიჯი 3: შენარჩუნების ფაზა

ამ ეტაპზე კვების მენიუში ამატებთ პურს, ერთ პორცია ხილს და ყველს. კვირაში ორჯერ კი თქვენ შეგიძლიათ სადღესასწაულო სადილი მოაწყოთ და ნახშირწყლები მიიღოთ. ამ ეტაპზე რაც შეიძლება დიდხანს უნდა გაჩერდეთ, რათა ორგანიზმი შეეგუოს დაკარგულ კილოგრამებს და არ დაიწყოს სწრაფი მატება.

ნაბიჯი 4: მუდმივი სტაბილიზაცია

უბრუნდებით ჩვეულებრივი კვების რეჟიმს, არანაირი შეზღუდვა კვებაში. ერთადერთი რაც უნდა გააკეთოთ, კვირაში ერთი დღე უბრუნდებით შეტევის ფაზას და მიირთმევთ მხოლოდ პროტეინებს – კვერცხი, ხორცი, თევზი და ა. შ.

 

პ.ს. სტატიაში დუკანის დიეტის შემოკლებული და არასრული ვერსიაა მოყვანილი. იმისათვის, რომ დიეტა სწორად დაიცვათ და საკუთარ ჯანმრთელობას ზიანი არ მიაყენოთ, გირჩევთ შეიძინოთ პიერ დუკანის წიგნი, სადაც ამომწურავ ინფორმაციას გაიგებთ ამ დიეტის შესახებ.

    Copyright © PINK MAGAZINE.

About gvantsssa

დამწყები ავტორი, რომელიც ცდილობს მოგაწოდოთ საინტერესო ინფორმაცია და რჩევები :)) იმედია მოგეწონებათ ჩემი სტატიები

7 Comments

  1. Pingback: კრემლის დიეტა — PINK MAGAZINE

  2. ENIGMA

    ENIGMA

    04/18/12 at 7:16 pm

    ეს დიეტას კი არა გაძლიერებულ კვებაზე გადასვლას უფრო გავს:0

    Reply

  3. ლიკა

    01/08/13 at 10:18 pm

    მაინტერესებს რაღაც კონკრეტულად :) პირველ ფაზაში თუ არის განსაზღვრული ხორცეულის რაოდენობა დღის განმავლობაში? რამდენის მირთმევა შეგვიძლია

    Reply

  4. rusapetka

    01/20/13 at 6:13 pm

    სტატია ძალიან არასრულყოფილია, რამაც შეიძლება ცუდი შედეგები მოიტანოს მათთვის, ვინც გადაწყვეტს ამ დიეტის დაცვას. ჯობია, რომ უფრო მეტი დრო დაუთმოთ სწორად გადმოთარგმნას, მთუმეტეს როცა ასე თუ ისე ხალხი გენდობათ :)))

    Reply

    • rusapetka

      01/20/13 at 6:16 pm

      თანაც, დუკანის დიეტის მთავარი იარაღი შვრიის ქატოა, რომლის რაოდენობასაც ეტაპების მიხედვით მუდმივად ცვლის :) უფრო მეტი პასუხისმგებლობა სჭირდება ჯანმრთელობასთან დაკავშირებულ სტატიებს ;)

      Reply
    • Sweet

      Sweet

      01/20/13 at 10:39 pm

      მადლობა შენიშვნისთვის. სტატიას ბოლოში ჩავამატეთ რჩევა იმის შესახებ, რომ თუ ამ დიეტის დაცვას მოისურვებენ, უმჯობესია წიგნი შეიძინონ.

      Reply

  5. Pingback: 3 აპლიკაცია, რომელიც წონის კლებაში დაგეხმარება - PINK MAGAZINE

Leave a Reply

Your email address will not be published. Required fields are marked *


2 + = eleven

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>